Barra lateral
Calendário de Eventos
Novembro 18, 2017
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
Acesso de Beneficiário
Inicio ISTÓRIA

ISTÓRIA

BREVE ISTÓRIA


Ministériu Solidariedade Sosiál (MSS), la’ós Ministériu ida ba dahuluk ne’ebé hala’o knaar iha área sosiál nian, maibé área ida ne’e hahú kedas ona iha tempu Governu UNTAET (United Nations Transitional Administration in East Timor), ne’ebé xefia hosi matebian Dr. Sergio Vieira de Mello hanesan Administradór Governu Tranzisaun, reprezenta SGONU iha Timor-Leste, tinan 2000. Iha tinan ida ne’e mós, hahú estabelese Primeiru Governu Tranzisionál, ne’ebé Sergio Vieira de Mello hatudu Sandra Sisnoth hosi Australia hodi lidera enkontru boot ida, ne’ebé koalia kona-ba asuntus sosiais nian, ho objetivu atu fó asisténsia ba ema ferik-katuas, defisientes, labarik sira ne’ebé separa-an hosi inan ho aman, no mós feto sira ne’ebé sai vítima, ne’ebé tenki hetan protesaun sosiál. Hahú hosi ida ne’e, servisus sosiais nian komesa la’o iha Primeiru Governu UNTAET iha Timor-Leste.
Iha tempu Governu Tranzisaun ida ne’e, servisu iha área sosiál hala’o liu hosi Gabinete ida, ne’ebé hanaran Cabinet of Social Affairs, ho nia Ofisiál Gabinete mak Padre Filomeno Jacob Abel, SJ. Iha Gabinete ida ne’e, área espesífiku ne’ebé sai hanesan programa prioridade mak, asuntu Saúde, Edukasaun, nomós Traballu no Sosiál. Ema ne’ebé sai hanesan Diretór Jerál ba servisus operasionais ba asuntus hirak ne’e, mak Cecilia Adorna, ne’ebé lidera servisu ida ne’e to’o tinan 2002.
Iha tinan 2002, molok UNTAET entrega podér tomak ba Timór oan, sei hahú hala’o eleisaun jerál ida, ne’ebé demokratikamente hili ema Timór oan sira hodi kaer Segundu Governu Tranzisionál, hodi estabelese estrutura foun ida no funsoins Governu UNTAET nian iha tempu ne’ebá.
Iha Segundu Governu Tranzisionál, ne’ebé lidera hosi Dr. Mari’i Alkatiri, Ministru em Xefe, servisus sosiais sei diriji nafatin iha áreas ne’ebé sei hanesan. Ikus mai, iha Primeiru Governu Konstitusionál ne’ebé lidera husi Primeiru Ministru sei Dr. Mari’i Alkatiri, delega servisus sosiais ba iha Sekretáriu Estadu ida, ne’ebé hanaran Sekretáriu Estadu Traballu no Solidariedade (SETS). Ema ne’ebé lidera instituisaun ida ne’e mak Dr. Arsénio Paixão Bano, hahú iha tinan 2002 to’o tinan 2004.
Iha fulan Jullu 2005, SETS sai fali hanesan Ministériu ida, ho naran Ministériu Traballu no Reinsersaun Comunitária (MTRC), ne’ebé sei lidera nafatin hosi Dr. Arsénio Paixão Bano. Mudansa ida ne’e bazeia ba Dekretu-Lei númeru 2/2005, kona-ba remodelasaun estrutura orgánika. Iha MTRC, estabelese mós Sekretária Estadu titulár ida, ne’ebé hanaran Sekretária Estadu Asuntus Veteranus no Antigus Kombatentes, ho nia Sekretáriu Estadu mak Sr. David Dias Ximenes. Diresaun ne’ebé iha MTRC nai laran hamutuk lima (5), mak hanesan: Diresaun Nasionál Administrasaun no Finansas, Diresaun Nasionál Empregu no Formasaun Profisionál, Diresaun Nasionál Asuntus Veteranus no Antigus Kombatentes, Diresaun Nasionál Servisus Sosiais no Diresaun Nasionál Traballu.
Sira ne’ebé kaer kargu hanesan Diretór Nasionál ba Diresaun hirak ne’e mak, Sr. Albano Salem, hanesan Diretór Nasionál Empregu no Formasaun Profisionál iha tempu SETS, Sr. Jose Asa, Diretór Nasionál Traballu, Sr. Eugenio J.A. de M. Soares, Diretór Nasionál Administrasaun no Finansas, Antónia Carmen da Cruz, Diretora Nasionál Servisus Sosiais, no Bonifacio Ferreira Magno, Diretór Nasionál Asuntus Veteranus no Antigus Kombatentes.
Iha IV Governu Konstitusionál, sei nafatin kontinua tau importánsia boot teb-tebes hodi fortifika servisus iha áreas sosiais nian. Ho ida ne’e, liu hosi Dekretu-Lei númeru 7/2007, loron 5 Setembru, kona-ba Orgánika IV Governu Konstitusionál, ne’ebé deklara iha artigu 27 no mós Dekretu-Lei no. 10/2008, loron 30 Abril, kona-ba Lei Orgánika MSS, hodi estabelese Ministériu Solidariedade Sosiál (MSS), hanesan órgaun Sentrál iha IV Governu Konstituionál nian, ne’ebé lidera hosi Ministra, Sra. Maria Domingas Fernades Alves, Sekretáriu Estadu Asisténsia Sosiál no Dezastres Naturais Dr. Jacinto Rigoberto Gomes de Deus, Sekretáriu Estadu Asuntus Antigus Kombatentes Libertasaun Nasionál Sr. Mário Nicolau dos Reis, no Sekretáriu Estadu Seguransa Sosiál, Sr. Vitor da Costa
Nune’e mós iha V Governu Konstitusionál. Liu hosi Dekretu Lei no 47/2012, 5 Dezembru, aprova Lei Orgánika foun MSS nian, hodi nafatin sai nu’udar órgaun sentrál Governu nian ne’ebé responsabiliza ba konsepsaun, ezekusaun, koordenasaun no avaliasaun ba polítika ne’ebé define no aprova ona husi Konsellu Ministru ba iha área seguransa sosiál, asisténsia sosiál, dezastre naturál no reinsersaun komunitária.Atuál MSS lidera hosi Ministra Dra. Isabel Amaral Guterres hamutuk nia ho Vise Ministru Sr. Jacinto Rigoberto Gomes de Deus, no mós Sekretáriu Estadu rua mak, Sekretáriu Estadu Asuntus Kombatentes Libertasaun Nasionál, Sr. Julio Sarmento da Costa ‘Meta Malik’, no Sekretáriu Estadu Seguransa Sosiál, Sr. Victor da Costa.
Hafoin liu tiha tinan rua ho balun, akontese tan mudansa ba estrutura Governu nian hodi hamosu VI Governu Konstitusionál, ne’ebé lidera hosi Primeiru Ministru Dr. Rui Maria de Araujo. Mudansa refere hala’o mós iha Ministériu Soidariedade Sosiál, liu hosi Dekretu-Lei N.º 33/2015, 26 de Agostu, kona-ba ESTATUTU ORGÁNIKU MINISTÉRIU SOLIDARIEDADE SOSIÁL.
Aktuál, estrutura MSS lidera hosi Ministra na’in ida (Sra. Isabel Amaral Guterres) no Vise Ministru na’in ida (Sr. Miguel Marques Gonçalves ‘Manetelu’).
Iha parte Administrasaun Direta no Indireta, MSS estabelese mós Diresaun Jerál 2, mak hanesan, Diresaun Jerál Servisu Korporativus no Diresaun Jerál Protesaun Sosiál i Asuntus Kombatentes Libertasaun Nasionál.
Diresaun Jerál Servisu Korporativus ne’ebé lidera hosi Sr. Rui Manuel Gago Exposto, hamahon diresaun hirak mak hanesan: Diresaun Nasionál Planu, Finansas, Aprovizionamentu i Lojístika, Diresaun Nasionál Administrasaun i Rekursus Humanus, Unidade Apoiu Tékniku, Unidade Teknolojia Informasaun no Unidade Komunikasaun Sosiál i Protokolu.
Diresaun Jerál Protesaun Sosiál i Asuntus Kombatentes Libertasaun Nasionál, hamahon diresaun: Diresaun Nasionál Asisténsia Sosiál, Diresaun Nasionál Dezenvolvimentu Sosiál, Diresaun Nasionál Rejime Naun Kontributivu Seguransa Sosiál, Diresaun Nasionál Rejime Kontributivu Seguransa Sosiál, Diresaun Nasionál Jestaun Riskus Dezastres, Diresaun Nasionál Asuntus Kombatentes Libertasaun Nasionál, no Gabinete Inspesaun i Auditoria. ***