Barra lateral
Calendário de Eventos
Novembro 19, 2017
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
Acesso de Beneficiário
Inicio Perfíl Superiór Diretór Jerais Diretór Jerál Protesaun Sosial no Asuntu.

Diretór Jerál Protesaun Sosial no Asuntus Kombatentes Libertasaun Nasional

DR. EUGÉNIO JOÃO AMADO DE MARIA SOARES

 

 

Moris iha Baucau loron 24 Juñu 1951. Tama eskola primária iha Colegio St. Terezinha Ossu-Viqueque, kontinua iha Pré-Semináriu St. Francisco Xavier-Dare no hasai lisensiatura Relasaun Internasionál iha Universidade Dili (UNDIL).

Esperiénsia lubuk ida mak Diretór ne’e iha,  hahú hosi servisu iha tempu Portugues, Indonesia no tempu Ukun Rasi-An. Iha Portugues nia ukun sai hanesan Profesór Eskola Primária ihaVemase, Oecusse no Quelicai tinan 1969-1975. Seluk hosi ne’e, sai mós hanesan Tropa Portuguesa iha 1972-1973.

Esperiénsia hirak ne’e lori Sr. Eugenio sai hanesan Prezidente no Inspetór Komisaun Eleitorál Parlamentár Indonesia, Administradór Sub-Distritu Ataúru, Dili Weste, no sai mós hanesan Sekretáriu Parlamentu Distritu Dili, Sekretáriu Projetu Governasaun Lokál, Meiu Ambiente no Sekretáriu Rede Seguransa Sosiál Distritu Dili. Hafoin kaer kargu hirak ne’e, hetan fiar hodi sai Xefe Veternáriu no Xefe Servisu Agrikultura Distritu Dili. Iha tempu Ukun-An, nafatin fó nia kontribuisaun hanesan Asesór no Xefe Gabinete ba Sekretáiru Estadu Traballu no Solidariedade iha Governu anteriór, no ikus sai hanesan Diretór Gerál MSS. Haree ba servisu Ministériu nian ne’ebé mak boot, dadaun ne’e MSS aumenta tan Diretór Jeral ida hodi kaer asuntu korporativu no Sr. Eugenio rasik asumi responsabilidade hanesan Diretór Jeral ba Protesaun Sosiál no Asuntus Kombatentes Libertasaun Nasionál iha Ministériu Solidariedade Sosiál-MSS, tinan 2016, iha VI Governu Konstitusional.