Barra lateral
Calendário de Eventos
Setembro 26, 2017
S M T W T F S
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
Acesso de Beneficiário
Inicio Ministériu Enquadramentu Ministra

Enquadramentu Ministra

Hanesan Estadu Direitu Demokrátiku ida, iha nia prosesu dezenvolvimentu Nasionál,  determina no mós hala’o dadaduk estratéjia oioin ona hodi asegura povu nia moris, liu hosi hamosu programa sira ne’ebé determina ona hodi nune’e bele lori prosperidade ka moris di’ak iha futuru. Iha prosesu tomak, lori mós implikasaun pozitiva mai ita, katak liu hosi estabelesimentu Orgaun Soberanu sira, liuliu formasaun ba V Governu Konstitusionál, Ministériu Solidariedade Sosiál (MSS), operasionalmente, liu hosi Dekretu-Lei n.o 41/2012, 7 Setembru, iha nia knaar hodi responsabiliza ba konsepsaun, ezekusaun, koordenasaun no avaliasaun ba polítika, ne’ebé definidu no aprova tiha ona hosi Konsellu Ministrus, atu iha tinan lima oin mai nia laran (2012-1017) bele halo ezekusaun ho finalidade ida ne’ebé di’ak no susesu.

Hanesan Orgaun Sentrál ida iha V Governu ida ne’e, área prioridade sira ne’ebé definida mak atu haree asuntu sira hanesan seguransa sosiál, asisténsia sosiál, dezastres naturais, no reinsersaun komunitária. Espetativas hosi programa hirak ne’e, ne’ebé sei iha hela prosesu, tanba nesesidades Ministériu nian, halo mudansa ba Lei Orgánika, hodi estabelese tan Diresun rua, mak hanesan Diresaun Nasionál Rejime Tranzitóriu, no Diresaun Administrasaun Gestaun Rekursus Humanus, no mós estabelese Diresaun Distritál sira, ne’ebé uluk hanesan Sentru Rejionál, maibé sei iha  Sentros Rejionais hat (4) maka seidauk deskonsentra hanesan Sentru Rejionál Solidariedade Sosiál Baucau, Manatuto, Ermera no Bobonaro.

Minisériu ida ne’e, ezisti iha V Governu Konstitusionál, ne’ebé ho kapasidade tomak sei realiza programa no servisu operasionál  sira, hodi hakbiit maluk benefisiáriu vulnerável sira iha rai laran, atu bele moris ho dignidade no iha prosperidade nia laran. Implementasaun programa hirak ne’e, ne’ebé iha ona nia atividade sira nu’udar  deskrisaun polítika ida, hodi atinji objetivu no meta sira ne’ebé fó kontribuisaun ba realizasaun vizaun no misaun MSS nian ho nia asaun ne’ebé  hala’o konstantemente iha Planu Asaun Anuál.

Ho nune’e, iha MSS nia Planu Asaun, tau ona prioridade permanente no urjente ba populasaun iha territóriu tomak, ne’ebé iha relasaun ba servisus de vulnerabilidade sosiál, atu iha tempu oin mai sei kria prosperidade ida sustentável iha vida sosiál efetiva.

Nune’e, liu hosi website ida ne’e, bele fasilita lee na’in sira hodi bele akompaña servisu MSS no kontribui ho ideia sira ba prosesu no rezultadu servisu tomak, no mós atu habelar informasaun kona-bá formulasaun planeamentu servisu ne’ebé MSS iha, liu-liu planu hodi atinji vizaun no misaun iha futuru.

Ho website ida ne’e mós, bele aprezenta informasaun no dadus ne’ebé di’ak, kompletu no komprensivu kona-bá servisu MSS nian, ne’ebé fó ona mandatu ba Diresoins Nasionais 10, Diresoins Distritais 3 no Rejionais 4, hamutuk ho Departamentus 25 hodi hala’o, liu-liu iha área sira ne’ebé sai ona prioridade ba MSS. Nune’e mós, sei hamosu no hasa’e konfiansa hosi nível komunidade, liu-liu parseiru sira ne’ebé servisu hamutuk ho Governu ida ne’e.

Atu hasa’e liu tan kualidade dadus no informasaun iha website ida ne’e, MSS presiza tebes hanoin, krítika no sujestaun hodi dezenvolve web ida ne’e ho di’ak, no bele sai sentru informasaun ba ema sira ne’ebé presiza, no mós bele sai nu’udar fatin ba ita bele hala’o peskiza hodi dezenvolve liu tan planu  sira ba futuru.

 

  

A Ministra,

Dra. Isabel Amaral Guterres