Ministério da Solidariedade Social da República Democrática de Timor-Leste

Notícias

Tinan ida ne’e Timor-Leste Selebra Loron Proklamasaun Independensia 28 Novembru ba dala 41 iha Munisipiu Lautem, ne’ebé diriji hosi Sr. Presidente Taur Matan Ruak no partisipa hosi Presidente PN, Aderito Hugo no Membrus Parlamentu Nasionál, Membrus Governu, Comandante Jerál F-FDTL, Lere anan Timor, PNTL, Corpu Diplomátiku, Sosiedade Sivil, Autoridade Lokal nomós Komunidade iha área refere. Iha selebrasaun ne’e Ministru Comercio Industria i Ambiente, Constancio Pinto loke mós Feira ne’ebé ho tema Hametin Nasionalismu, ne’ebé sai hanesan alizerse nasaun nian ho sub tema mak promove produtu lokal hodi hasa’e ekonomia nasaun.

Ministério Solidariedade Sosiál-MSS liu husi koordenasaun ho Diresaun Jerál Estatístka-DGE Ministério Finansas-MF realiza programa kapasitasaun no avaliasaun kona-ba subsídiu apoiu ba idozus no inválidus iha Timor-Leste. Programa refere hala’o durante loron 3 hahú husi Loron Segunda to’o Kuarta-Feira (07-09/11/2016), iha salaun reuniaun MSS Kaikoli-Dili. Abertura ba treinamentu ida ne’e, loke husi Diretór Jerál Protesaun Sosiál no Antigus Kombatentes Libertasaun Nasionál-PSAKLN, Eugénio João Amado de Maria Soares, akompaña husi Diresaun Jerál Estatístika no Unidade Apoiu Tekniku (UAT), nomós hetan partisipasaun husi Diretores Sentru Solidariedade Sosiál Munisipius, Diretores Estatístikas Munisipius no pontus fokais MF ho MSS.

Ministra Solidariedade Sosial, Isabel Amaral Guterres akompaña husi Vice-Ministro, Miguel Marques Gonçalves "Manetelu", Presidente Komisaun Homenagem, Virgilio Smith "Kranik", Diretores-Gerais, Diretores Nacionais no Chefes Departamentos-MSS hala’o Audênsia ne’ebé lidera husi Presidente Komisaun F Parlamento Nasionál-PN ba assunto Sosiais, Virgílio da Costa Hornai hamutuk ho Vice Presidente PN, Eduardo Barreto "Dusae" no membro PN Komisaun F. Reuniaun refere hala’o iha sala Komisaun F – PN, Loron Kuarta-Feira, (26/10/2016). Objetivu reuniaun ne’e, halo apresentasaun kona-ba resultadu ezekusaun Orsamentu Jerál Estado (OJE) MSS iha tinan 2016 no Plano orsamentu ba tinan 2017 husi Ministério Solidariedade Sosiál-MSS.

Ministériu Solidariedade Sosiál-MSS liu hosi Centru Solidariedade Sosiál Municipiu Liquiça-CSSML entrega apoiu umanitária ba vítima dezastre naturais hamutuk uma kain 3, maibé uma kain 2 la konsege hetan tanba udan bo’ot, no uma kain 1 deit mak hetan apoiu, hanesan Supermi, Biskuit, Mina no family kids. Apoiu refere diretamente entrega hosi Diretór CSSML, Sérgio Elídio Borges de Deus, iha Suku Leotala, Aldeia Lepa, Loron Kuarta-Feira, (26/10/2016). Iha fatin hanesan Director CSSML halao Aprosimasaun ba família ne’ebé afeita kazu hanesan divórsiu no labarik separasaun hosi inan no aman. Partisipa iha entrega apoiu ne’e, Xefe Suku Leotala, Polisia investigasaun Kriminal Municipiu Liquiça, Pontu Fokál Bolsa da Mãe-CSSML, Ofisial Protesaun Labarik (OPL)-CSSML no Komunidade sira.

Ministériu Solidariedade Sosiál-MSS no Ministériu Interiór-MI hamutuk ho parseirus Nasionais, Internasionais, Autoridade Lokál no komunidades hala’o Selebrasaun Loron Mundiál ba Risku Dezastre tinan 2016 iha Munisipiu Manufahi, Postu Administrativu Fatuberlihu-Welaluhu. Atividade refere hala’o durante loron rua, hahú iha Loron Kinta to’o Sexta-Feira, (13-14/10/2016). Iha loron selebrasaun ne’e, distribui mós materiál konstrusaun ba vítima dezastre naturais hamutuk uma kain 9, ne’ebé afetadu dezastre naturais iha tinan 2016. Sasán materiál konstrusaun mak hanesan, simenti, besi, kalen no pregu. Orsamentu maun de obra sei iha prosesu nia laran. Iha oportunidade ne’e priense mós atividade lubuk ida hanesan, joga bola, dada tali, sertame (kadi kakutak) nst, inklui simulasaun ba dezastre naturais hosi ekipa ...

Ministra Solidariedade Sosiál, Dra. Isabel Amaral Guterres akompaña hosi Diretór Nasionál Dezenvolvimentu Sosiál-DNDS, Florenço Pina Dias Gonzaga no Xefe Departamentu Protesaun i Promosaun Direitus Labarik, Domingos Fernandes hala’o enkontru ho Parseirus Dezenvolvimentu Unicef hodi ko’alia kona-ba asuntu servisu protesaun labarik nian iha Timor-Leste. Enkontru ne’e hala’o iha Edifísiu Sentral MSS-Kaikoli-Dili, Loron Kuarta-Feira, (12/10/2016).

Ministériu Solidariedade Sosiál-MSS, ho Ministériu Finansas-MF, liu-liu Diresaun Jerál Estatistika, asina akordu atu halo peskiza ba programa subsídiu Idozos no Inválides. Ho peskiza ne’e bele hatene subsídiu ne’e fó benefisiu ka impaktu ba benefisiárius sira nia moris ka lae. Akordu refere, asina iha edifísiu Sentrál MSS-Kaikoli-Dili, loron Segunda-Feira, (10/10/2016). Hafoin asina akordu, Ministra Solidariedade Sosiál, Dra. Isabel Amaral Guterres hateten, kuaze tina-tinan selu 34 miloens dolares ba 90-ital mil benefisiárius, liu-liu ba programa Idozus no Inválides. Tamba ne’e, katak Ministra, hosi parte MSS ho Ministériu Finansas iha hanoin atu halo peskiza ida ba programa refere, hodi nune’e bele hatene programa ne’e ninia impaktu ba benefisiárius sira nia moris ne’e to’o ona iha n ...

Ministériu Solidariedade Sosiál-MSS, liu hosi Vise-Ministru Solidariedade Sosiál, Miguel Marques Gonçalves “Manetelu” no akompanha hosi Sekretáriu Estadu Terras i Propriedade, Jaime Xavier Lopes hala’o diálogu ho komunidade sira iha Atauro, kona-ba problema hadau malu rai entre maluk sira desteradu ho rai nain. Programa diálogu no simu malu ne’e realiza, tanba servisu hamutuk entre Diresaun Nasionál Dezenvolvimentu Sosiál-DNDS, liu-liu Departamentu hari’i paz no Koezaun Sosiál, ONG Belun, PNTL, F-FDTL nomós Autoridades Lokais. Atividade ne’e, hala’o iha Postu Administrativu Atauro, Suco Mau-meta Vila, Loron Sexta-Feira, (30/09/2016). Hafoin diálogu, Vise-Ministru ho Komitivas hala’o kedas vizita ba maluk sira defisiéntes no ema sira ne’ebé moris iha kondisaun vulneravel, objetivu vizita ...

Ministériu Solidariedade Sosiál-MSS, liu hosi Vise-Ministru Solidariedade Sosiál, Miguel Marques Gonçalves “Manetelu” entrega kareta funeráriu 1 ba komunidade Atauro, atu bele fasilita komunidade hodi lori mate sira ba Semitériu ho dígnu, wainhira atu halo prosesu fúnebre. Atividade ne’e hala’o iha Postu Administrativu Atauro, Suco Mau-meta Vila, Loron Sexta-Feira, (30/09/2016). Hafoin entrega, Vise-Ministru Solidariedade Sosiál, Miguel Marques Gonçalves “Manetelu” hateten, ohin komunidade sira dehan katak sira hein kleur, desde ita restaura ita nia independensia i sira husu kareta funeráriu, maibé Governu la konsege fó apoiu, maske sira hein kleur maibé ohin ita entrega para bele fasilita ona populasaun sira iha Atauro, tanba ita hatene katak Atauro hanesan rai ketan ida, ohin mós komunidade hate ...

Diretór Jeral Protesaun Sosiál no Asuntus Kombatentes Libertasaun Nasionál-MSS, Eugénio João Amado de Maria Soares no Diretór Jeral Servisus Korporativus-MSS, Rui Manuel Gago Exposto nomós Representante hosi Ministériu Saúde no Edukasaun halo enkontru ho delegasaun Portugal iha área defisiéntes. Enkontru ne’e realiza ho objetivu atu halo avaliasaun ba vizita delegasaun Portugal nian iha Timor-Leste, ne’ebé hahu hosi dia 19 to’o 23. Enkontru refere hala’o iha Edifísiu Sentral MSS, Kaikoli-Dili, Loron Sexta-Feira, (23/09/2016). Durante vizita delegasaun iha Timor-Leste, Fatin ne’ebé delegasaun vizita mak hanesan Ministériu Saúde, Ministériu Edukasaun, Centro Nasionál Reabilitasaun-CNR, ADTL inklui Institusoins Parseirus sira seluk ne’ebé hatutan servisu Ministériu ...