EKIPA MSS HALO APREZENTASAUN REZULTADU AVALIASAUN ...

Dep. Media 30 January, 2017 

Vise Ministru Solidariedade Sosiál, Miguel Marques Gonçalves “Manetelu” hamutuk ho Ekipa Traballu Avaliasaun Ministériu Solidariedade Sosiál-MSS hala’o aprezentasaun rezultadu  avaliasaun ba Instituisaun Solidariedade Sosiál-ISS hamutuk 37. Avaliasaun ne’e foka liu ba ezekusaun programa no orsamentu ne’ebé ISS hala’o ona durante tinan 2016. Objetivu hosi avaliasaun ne’e atu hatene obstaklu saida mak instituisaun sira enfrenta, no óinsa bele hadi’a hodi nune’e iha futuru ISS bele halo servisu no atendimentu di’ak liu tan ba maluk vulnerável sira. Avaliasaun refere hala’o iha Salaun Edifísiu Sentrál MSS Kaikoli-Dili, loron Segunda-Feira, (30/01/2017).

Partisipa hosi apresentasaun rezultadu avaliasaun ne’e mak, Diretór Jeral Protesaun Sosiál no Antigus Kombatentes Libertasaun Nasionál, Eugénio João Amado de Maria Soares, Diretór Nasionál Dezenvolvimentu Sosiál, Florenço Pina Dias Gonzaga ho Xefes Departamentus, inklui Reprezentantes hosi ISS 37.