MSS HALA’O ENKONTRU HO EKIPA HOSI NASAUN MYANMAR

Dep. Media 16 May, 2017 

Ministériu Solidariedade Sosiál, liu hosi Diretór Jeral Protesaun Sosiál no Asuntus Kombatentes Libertasaun Nasionál, Eugénio João A. de Maria Soares, Diretór Nasionál Dezenvolvimentu Sosiál-DNDS, Florenco Pina Dias Gonzaga hamutuk ho  Assosiasaun Chega Ba Ita (ACbit) hala’o enkontru ho ekipa hosi nasaun Myanmar ne’ebé kompostu hosi, reprezentante Asia Justice And Rights (AJAR), reprezentante organizasoins lokál Myanmar, sobrevivente hosi vítima violénsia bazeia ba jéneru no peskizadór sira. Enkontru ne’e ho objetivu atu fahe informasaun no esperiénsia servisu ne’ebé MSS iha, liu-liu ba atendimentu vítima violénsia bazeia ba jéneru, feto no labarik, nomós oinsá haforsa vítima no sobrevivente atu hakonu sira nia direitu. Enkontru refere hala’o iha Sala Enkontru Edifísiu Sentrál MSS-Kaikoli-Dili, Loron Terça-Feira, (16/05/2017).