FAMÍLIA 21 HETAN APOIU EMERJÉNSIA HOSI MSS

Dep. Media 11 September, 2017 

Ministériu Solidariedade Sosiál-MSS, liu husi CSSM Baucau hamutuk ho Prezidente Autoridade Munisípiu Baucau   fó apoiu emerjénsia ba vítima ahi han uma iha Munisípiu Baucau, Postu Administrativu Quelicai Suku Abo, ne’ebé rezulta uma kain 15 no hamutuk família 21. Sasan emerjénsia hirak ne’e entrega simbolikamente husi Prezidente Autoridade Munisípiu Baucau, akompaña husi ekipa dezastre naturais nasionál nomós ekipa DDMC munisípiu, no autoridade lokál iha fatin refere. Atividade ida ne’e hala’o iha loron Tersa-Feira (11/09/2017).

Apoiu emerjénsia ne’ebé mak MSS fó mak hanesan fos, biti, supermi, sanan, mina, latarias no sasan food item sira seluk. Apoiu hirak ne’e oferes hafoin hetan relatóriu husi Xefe Suku Abo, no ekipa DDMC munisípiu Baucau halo kedas asesmentu iha fatin akontesimentu hodi identifika família sira ne’ebé sei hetan apoiu emerjénsia.

Hosi fatin akonteismentu, Prezidente Autoridade Munisípiu Baucau, António Guterres hateten, apoiu emerjénsia hirak ne’e mai ho ekipa DDMC ne’ebé kompostu husi Polísia, Bombeirus, Seguransa Sivíl, Cruz Vermelha Filial Baucau no CSSM Baucau, hodi hala’o distribuisaun ba sasan food item ba iha Suku Abo ne’ebé hamutuk família 15, Lalelai família 1 nomós Bualale familia 5, ne’ebé mak uma hetan ahi han no anin sobu. Iha distribuisaun ne’e akompaña mos husi ekipa jestaun dezstre naturais nasional no mos ekipa dezastre naturais posto administrativu Quelicai.

Ba oin, tenik António, sei halo relatóriu hodi hein Governo Foun para bele haree tuir matadalan jestaun risku dezastre naturais nian, ne’ebé agora la’o dadaun, hodi bele rekopera lalais, tanba tama iha ona iha fulan Novemro to’o Dezembro udan komesa monu rai no labele kastigu família sira atu hela iha tenda okos. 

“Husu ba Governu Sentrál atu bele rekopera lalais materiál kontrusaun hirak ne’e hodi sira bele harii fila fali sira nia uma,” dehan Prezidente Autoridade Munisípiu Baucau.

Iha biban ne’e, Diretór Jestaun Risku Dezastre, Agostinho Cosme Belo, hateten, bazeia ba orientasaun Ministra Solidariedade Sosiál ba iha ekipa jestaun risku dezastre naturais nasional atu bele mai iha fatin ida ne’e hodi halo akompañamentu hodi fahe sasan emerjénsia hanesan aihan nomós la’ós aihan. Ba oin, tenik Agostinho, ekipa ida sei mai halo verikasaun hodi aprezenta dadus hodi bele hatene uma hira mak hetan estragus, nune’e sira bele hetan rekoperasaun tuir prosesu ne’ebé mak iha.

Entertanmentu, tuir krolonolojia, insidente ahi ham uma ne’e akontese iha loron Sexta Feira, 6 Setembru 2017, mais ou menus tuku rua lorokraik ahi hahu han uma rua husi parte sul, tenba anin boot afeita mos ba fatin sira seluk hodi halo uma kain 15 iha Suku Abo hetan estragus.

Distribuisaun apoiu sasan emerjénsia ne’e hetan partisipasaun hosi ekipa Jestaun Risku Dezastre Nasionál, Prezidente Autoridade Munisípiu Bacau, PNTL Postu Administrativu Quelicai, Cruz Vermella Filial Baucau, Autoridade Lokál, DDMC Munisípiu, Xefe Departamentu Emerjénsia, inklui benefisiarius ne’ebé hetan apoiu.