DNAKLN no Komisaun Omenajen Hetan Vizita Hosi ...

Dep. Media 11 October, 2017 

Superiór MSS, kompostu hosi Ministra Dra. Florentina da Conceição Pereira Martins Smith no Sekretáriu Estadu Asuntus Veteranus Dr. Andre da Costa Belo”L4”,  hala’o vizita traballu ba iha Diresaun Nasionál Asuntus Kombatentes Libertasaun Nasionál (DNAKLN) no Komisaun Omenajen, iha Kaikoli-Dili, Kuarta Feira (11/10/2017). 

Vizita traballu ida ne’e, tuir Ministra MSS, hodi ko’alia kona-ba programa VII Governu Konstitusionál ninian, ne’ebé mak liga ho Asuntus Veteranus, hodi fó nafatin kontinuidade, valoriza no dignifika veteranus sira.

Iha vizita ne’e, Ministra ho Sekretáriu Estadu mós haree diretamente infraesturturas edifísiu DNAKLN, ne’ebé mak iha kondisaun ladi’ak ona, no persiza konsidera hodi tau iha orsamentu jerál estadu 2018 mai.  

Partisipa iha vizita ne’e, Diretór Jerál Protesaun Sosiál  no Asuntus Combatentes ba Libertasaun Nasionál, Eugénio João Amado de Maria Soares, Diretór-Jerál Servisu Corporativus, Rui Manuel Gago Exposto, Gabinete Ministra no Gabinete Sekretáriu Estadu Asuntus Vetaranus.