Ministra MSS Hala’o Enkontru ho Ministru Planu no ...

Dep. Media 11 October, 2017 

Ministra Ministériu Solidariedade Sosiál (MSS), Dra. Florentina da Conceição Pereira Martins Smith hala’o sorumutu alargada ho Ministru Planu no Finansas (MPF), Dr. Rui Agosto Gomes,1 hodi kontinua halo diskusaun tuir kalendáriu ne’ebé mak iha ona, atu haree oinsá implementa programa rejime kontributivu seguransa sosial nian. Programa ne’e sai mós prioridade Governu tuir Dekretu Lei no 20/2015. Enkontru ne’e hala’o iha Salaun MSS Kaikoli-Dili, Kuarta Feira (11/10/2017).

Relasiona ho sorumutu ne’e, Ministra MSS hateten, dekretu lei ne’e iha ona, maibé implementasaun mak seidauk bele, tanba ne’e mak parte MSS konvida Ministru Planu no Finansas hodi haree ninia difikuldade iha parte ne’ebé, tanbasá dekretu lei ne’e iha ona no halo tan estensaun to’o 31 Outobru 2017 ne’e, maibé sei nafatin iha difikuldade ba implementasaun.  

Tanba ne’e, tenik Ministra, kovoka reuniaun ida ne’e para hamutuk atu haree tékniku husi parte MSS ho MPF hodi hare hamutuk saida mak atu bele hala’o ba oin.

Ministra mós informa, iha reuniaun ne’e halo mós konkluzaun hodi toma notas no diskuti persizamente iha akta para depois bele ajuda fó esplikasaun, liu-liu iha Konsellu Ministru.

Ministra MSS ho Ministru MPF husu atu asina dokumentus ida hodi solisita ba liñas ministeriais sira ne’ebé mak seidauk halo eskrisaun ne’e, pelu menus sira bele mai eskreve, nune’e sira bele ajuda prosesu hodi fó amandamentu ba prosesu ne’e tomak.

Partisipa iha enkontru ne’e mak hanesan Sekretáriu Estadu Asuntus Veteranus Dr. Andre da Costa Belo”L4”, Diretór-Jerál Servisu Corporativus, Sr. Rui Manuel Gago Exposto, Gabinete Ministra no Gabinete Sekretáriu Estadu Asuntus Vetaranus, no Diretora Nasionál Rejime Kontributivu, Aida Maria Soares Mota.