SELEBRASAUN LORON PROKLAMASAUN INDEPENDÊNSIA 28 ...

Dep. Media 28 November, 2017 

Tinan ida ne’e Timor-Leste Selebra Loron Proklamasaun Independênsia 28 Novembru ba dala 42 iha Munisípiu Kovalima, ne’ebé diriji hosi Prezidente Repúblika, Francisco Guterres “Lú-Olo” no partisipa hosi Prezidente Parlamentu Nasionál, Aniceto Guterres, Prezidente Tribunal Rekursu, Deolindo dos Santos, Primeiru Ministru, Mari Alkatiri,  Membrus Governu, Membrus Parlamentu, PNTL, F-FDTL, Sosiedade Sivil, Autoridade Lokal nomós Komunidade Munisípiu Kovalima. Seremónia refere hala’o iha Kamanasa-Suai, loron Tersa-Feira (28/11/2017).

Iha Seremónia ne’e, Prezidente Repúblika fó kondekorasaun ba veteranus kombatentes libertasaun nasionál hamutuk nain 42 ne’ebé maka simbolikamente reprezentante husi total 511 pesoas no 469 pesoas ne’e sei kondekora iha lokraik husi Ministru Presidensial Konsellu Ministru, Adriano do Nascimento, Ministru Administrasaun Estatal, Valentim Ximenes no Ministra Solidariedade Sosiál-MSS, Florentina da Conceição Pereira Martins Smith.

Iha selebrasaun ne’e mós, Vise-Ministru Komérsiu Indústria, Jacinto Barros Gusmão loke Feira ne’ebé ho tema “Servisu Hamutuk hodi Dezenvolve Ekonomia Nasionál”.