MSS HALA’O ENKONTRU HO MINISTRU ADMINISTRASAUN ...

Dep. Media 05 December, 2017 

Ministra Solidariedade Sosiál, Dra. Florentina Smith, hala’o enkontru ho Ministru Administrasaun Estatal, Dr. Valentino Ximenes, hodi ko’alia kona-ba preparasaun ba selebrasaun loron Herois Nasionál ne’ebé Governu sei organiza atividades balun mak hanesan kompetisaun múzika, dansas tradisionais no festa populár. Atividade hirak ne’e sei realiza hahú hosi loron 28-31 Dezembru 2017. Enkontru ne’e hala’o iha Edifísiu Sentrál MSS-Kaikoli-Dili, loron Tersa-Feira, (05/12/2017).

Tuir ajenda, iha loron 31 Dezembru dader sei iha komemorasaun loron herois nasionais ne’ebé sei hala’o iha resintu Rotunda Estatua Nicolao Lobato-Comoro. Iha parte kalan sei kontinua ho programa festa populár ne’ebé sei hala’o iha Sentru Konvensaun Dili to’o simu tinan foun 2018. Bazeia ba enkontru refere, Ministériu Solidariedade Sosiál disponivel atu apoiu orsamentu ba atividade ne’ebé mensiona iha leten.