PRIZONEIRUS-BECORA SELEBRA NATAL HAMUTUK

Dep. Media 20 December, 2017 

Ministra Solidariedade Sosiál, Florentina Smith, Ministra Justisa, Maria Ângela Carrascalão, Vise Ministru Justiça, Sebastião Dias Ximenes, Sekretáriu Estadu Juventude i Traballu, Nivio Leite Magalhães, selebra Natal hamutuk tinan 2017/2018 ho Prizoneirus sira, inklui guarda prizoneirus. Seremónia ne’e hala’o iha Becora, Postu Administrativu Kristu Rei, Munisípiu Dili, Loron Kuarta-Feira, (20/12/2017).

Atividades ida ne’e realiza hodi nafatin fó ksolok, espíritu no korajen ba moris prizoñeirus sira nian, tanba fatin refere hanesan fatin reflesaun, hodi bele hadi’a fali hahalok ne’ebé halo ona iha pasadu. Iha okaziaun ne’e, membru Governu sira mós vizita direta Prizoneirus sira nia hela fatin, atu bele haree besik kondisaun ne’ebé mak sira iha no Governu nafatin iha komitmentu hodi bele haree no hadi’a ba difikuldades no nesesidades ne’ebé prizoneirus sira enfrenta. Ikus liu, fahe premiu Natal nian ba Prizoneirus.