MSS HO MJ HALA’O NATAL HAMUTUK HO PRIZIONEIRUS-SUAI

Dep. Media 28 December, 2017 

Ministériu Solidariedade Sosiál-MSS hamutuk ho Ministériu Justisa-MJ realiza tan Natal ba datoluk  ho prizioneirus iha Suai-Covalima, Loron Kinta-Feira, (28/12/2017). Hosi dadus ne’ebé mak iha prizaun refere, atuál akumula prizioneirus hamutuk ema na’in 24 (mane hotu). Atividade ne’e realiza, tamba servisu hamutuk entre Ministériu Solidariedade Sosiál ho Ministériu Justisa inklui Servisu Prijonais.

Partisipa iha seremónia ne’e mak hanesan Ministra Justisa,  Maria Ângela Carrascalão, Diretór Jerál Servisu Corporativu-MSS, Rui Manuel Gago Exposto, Xefe Gabinete Ministra Solidariedade Sosiál, Diretór Nasionál Estabelesimentu Prijonais, Representante Juis Munisípiu Suai, Administradór Postu Administrativu Suai, Komando Jeral PNTL Munisípiu, Diretores Nasionais, Rejionais no Xefes Departamentu hosi MSS no MJ inklui Xefes Suku no Xefes Aldeia.