MSS FÓ APOIU BA FAMÍLIA VÍTIMA DEZASTRES NATURAIS ...

Dep. Media 04 January, 2018 

Ministériu Solidariedade Sosiál, Florentina Smith ne’ebé akompaña hosi Diretór Nasionál Asisténsia Sosiál-DNAS, Mateus da Silva no Diretór Nasionál Gestaun Risku Dezastres-DNGRD, Agustinho Cosme Belo entrega aihan (food item) inklui (non food item) ba família vítima dezastres naturais no família vunerável, atividade refere hala’o iha Postu Administrativu Vera Cruz, Suku Lahane Ocidental, Loron Kinta-Feira, (04/01/2018).

Total uma kain ne’ebé mak hetan apoiu hosi MSS mak hamutuk 34 i baseia ba assessment ne’ebé ekipa MSS hala’o. Fase tuir mai, MSS nafatin hala’o assessment hodi identifika uma ne’ebé hetan estragus hosi dezastres naturais no sei apoiu material konstrusaun ba família vítima sira tuir kategoria estragus ne’ebé iha.

Partisipa iha ceremónia ne’e mak henesan, Administradór Postu Administrativu Vera Cruz, Xefe Suku Lahane Ocidental, Xefes Aldeia inklui Komunidade iha área refere.