MINISTRA MSS INAUGURA EDIFÍSIU SENTRU DISTRITÁL

Ministra Solidariedade Sosiál, Sra. Isabel Amaral Guterres inaugura Edifisíu Sentru Distritál Manatuto, iha Suku Aiteas, Posto Administrativu Manatuto, Munisípiu Manatuto iha Loron Kinta-Feira, (29/10/2015). Edifísiu refere, sei sai fatin atendimentu ba populasaun iha Posto Administrativu neen (6) mak hanesan Posto Administrativu Barique, Laclo, Laclubar, Laleia, Soibada no Posto Administrativu Manatuto rasik. Read more

DNRK KAPASITA STAF IHA ÁREA ATUÁRIA BA SEGURANSA

Ministériu Solidariedade Sosial (MSS), liu husi Diresaun Nasional Rejime Kontributivu (DNRK) hala’o formasaun básiku atuária ba seguransa sosiál no saúde nasionál universál ba funsionárius MSS nian nomós instituisaun sira ne’ebé iha relasaun ho sistema atuária ba siguransa sosiál. Formasaun ne’e sei hala’o durante semana ida, hahú iha loron Tersa Feira 20/10/2015 to’o remata, iha Salaun Sentrál MSS Kaikoli-Dili. Read more

MSS KOMEMORA LORON MUNDIÁL BA REDUSAUN RISKU

Timor-Leste liu husi Ministériu Solidariedade Sosiál ba Diresaun Nasionál Gestaun Risku Dezastre, komemora loron mundiál ba redusaun risku dezastre tinan ida ne’e, iha Munisipiu Ainaro, Postu Ainaro, Suku Kasa, iha loron Sexta Feira (16/10/2015). Read more

SENSIBILIZASAUN PROGRAMA MSS IHA SUKU LEOHITU

Ministériu Solidariedade Sosiál (MSS) liu husi Sentru Rejionál Munisípiu Bobonaro, realiza diálogu komunitáriu ho nia objetivu atu sensibiliza no esklarese polítika no programa MSS nian, ne’ebé hala’o iha Suku Leohitu, Postu Administrativu Balibo, Munisípiu Bobonaro iha loron Kinta Feira (8/10/2015). Read more

VISE MINISTRU ASINA KONTRATU HO KOMPAÑIA 3

Atu fasilita servisu Ministériu Solidariedade Sosiál-MSS nian la’o ho adekuadu, liu-liu oinsá halo atendimentu di’ak ba benefiaiárius sira, Vise-Ministru Solidariedade Sosiál, Eng. Miguel Marques Manetelu halo kontratu ho Kompañia 3 hodi fernese aihan no ekipamentus eskritóriu inklui ekipamentus informátika ba MSS. Seremónia asina kontratu ne’e hala’o iha Edifísiu Sentrál MSS-Kaikoli-Dili, loron Kuarta-Feira, (07/10/2015). Read more

VISE-MINISTRU INAUGURA MONUMENTU SAUDOZU MOISES

Atu dignifika eroi ka aswain sira ne’ebé mate iha prosesu funu ba libertasaun nasionál, família hosi knua Aile, Aldeia Iraler, Suku Matawei, Sub-Distritu Vatulari, inisia hodi konstroi ona monumentu ida ba saudozu Moises Amaral. Seremónia inaugurasaun monumentu ne’ebé hala’o iha Loron Sábadu, (03/10/2015), inagura hosi Vise Ministru Solidariedade Sosiál, Eng. Miguel Marques Gonçalves “Manetelu”. Read more

MSS ASINA MOU HO ONG 4

Ministériu Solidariedade Sosiál, liu hosi Departamentu Hari’i Paz no Koesaun Sosiál-DHPKS hamutuk ho United Nations Development Program (UNDP) realiza seremónia asina Memorandum of Understanding (MoU) ho Organizasaun Naun Govermental-ONG haat (4) ne’ebé durante ne’e hatutan servisu Ministériu Solidariedade Sosiál nian hodi entrega apoiu orsamentu (fundus ki’ik) ba ONG’s refere. MOU refere asina iha Edifísiu Sentrál MSS Kaikoli-Dili, Loron Kinta-Feira, (01/10/2015). Read more

ENKONTRU VISE MINISTRU MSS HO DIRETÓRES KOMPAÑIA

Vise-Ministru Ministériu Solidariedade Sosiál, Eng. Miguel Marques Gonçalves “Manetelu” akompaña hosi Diretór Geral MSS, Eugenio João Amado de Maria Soares, hala’o enkontru ho Kompañia sira hodi ko’alia kona-ba reapropriasaun projetu kapitál dezenvolvimentu ba tinan 2016. Enkontru refere hala’o iha Edifísiu Sentrál MSS, Kaikoli-Dili, Loron Kinta-Feira, (01/10/2015). Read more