MSS HALA’O ASINA MoU HO HANDICAP INTERNATIONAL

Diretór Jeral Ministériu Solidariedade Sosiál (MSS) ba Protesaun Sosiál i Asuntus Kombatentes Libertasaun Nasionál, Eugenio João Amado de Maria Soares hamutuk ho Diretór Nasionál Asistensia Sosiál (DNAS), Mateus da Silva inklui Xefes Departamentu Diresaun Nasionál Asistensia Sosiál nian hala’o asina Memorandum Of Understanding (MoU) ho Handicap International hodi kontinua sai hanesan parseria servisu iha área Defisientes, asina MoU refere hala’o iha Sala Servisu Diretór Jeral MSS ba Protesaun Sosiál i Asuntus Kombatentes Libertasaun Nasionál, iha Loron Sexta-Feira, (26/02/2016). Read more

MINISTÉRIU SOLIDARIEDADE SOSIAL DEBATE LEI REJIME

Ministériu Solidariedade Sosial (MSS), liu husi Diresaun Nasional Rejime Seguransa Sosial, promove tiha ona semináriu ida hodi debate proposta Lei Kriasaun Rejime Kontributivu Seguransa Sosiál no importánsia Seguransa Sosiál. Projetu Lei ne’e sei hetan apresiasaun husi Konsellu Ministrus iha tempu badak nia laran, no hafoin ne’e, sei aprezenta ba aprovasaun husi Parlamentu Nasionál. Semináriu ne’e hala’o iha Kuarta-Feira (24/02/2016), iha salaun Timor-Plaza, Comoro-Dili. Read more

IHA TEMPU BADAK SEI REALIZA KONFERÉNSIA NASIONÁL

Liu hosi Konferénsia Imprénsia ne’ebé hala’o iha edifísiu Sentrál Kaikoli –Dili, loron Kuarta-Feira, (24/02/2016), Vise-Ministru Solidariedade Sosiál, Eng. Miguel Marques Gonçalves “Manetelu” akompaña hosi Koronel Falur Rate Laek ho Reprezentante orgaun 08, Alberto Espíritu Santo fó sai ba média relasiona konferénsia nasionál ba veteranus nian ne’ebé sei realiza iha Dili, hahu dia 01-03 Marsu 2016. Read more

CPLP LANSA TINAN INTERNASIONÁL KONTRA SERVISU

Lisboa – Membrus Komunidade Países Lingua Portuguesa (CPLP) deside no klasifika tinan 2016 sai hanesan tinan mundiál ba kontra servisu infantíl (Ano Internacionál da CPLP Contra o Trabalho Infantíl). Inisiativa ida ne’e formalmente lansa iha Asembleia Repúblika Portugal-Lisboa iha loron (17/02/2016). Read more

PRIZONEIRUS BECORA HETAN APOIU BITI 500 HOSI MSS

Diretór Jerál-MSS, Eugenio João Amado de Maria Soares hamutuk ho ekipa hosi Diresaun Nasionál Dezenvolvimentu Sosiál-DNDS no Sentru Solidariedade Dili fó apoiu Biti 500 ba Prizoneiru sira iha Prizaun Becora. Atividade ne’e hanesan asaun solidariedade ida, hosi Governu, liu hosi Ministériu Solidariedade Sosiál ba prizoneiru sira. Apoiu refere hala’o iha Prizaun Bekora, loron Sexta-Feira, (12/02/2016). Read more

POPULASAUN MANLEUANA AFETADU HOSI INUNDASAUN

Ministru Planeamentu no Investimentu Estratéjiku, Sra. Kayrala Xanana Gusmão hamutuk ho Ministra Solidariedade Sosiál, Sra. Isabel Amaral Guterres ho ekipa hosi Diresaun Nasionál Jestaun Risku Dezastre-DNJRD, inklui Autoridades lokais sira halo intervensaun ba dezastre (inundasaun) hodi haree diretamente komunidade iha área Manleuana, Aldeia Mauk, Lidun no aldeia Laulora, ne’ebé afetadu hosi dezastre, iha loron Sexta-Feira, (12/02/2016). iha biban ne’e MSS sei identifika vítima sira hodi fó apoiu emerjénsia. Read more

MSS REALIZA DIÁLOGU IHA MUNISÍPIU MANATUTO

Ministériu Solidariedade Sosiál (MSS), liu hosi Diresaun Nasionál Dezenvolvimentu Sosiál (DNDS), Departamentu Hari’i Paz no Koezaun Sosiál, servisu hamutuk ho Diresaun Nasionál Prevensaun Konflitu Komunitária (DNPKK), Teras Propriedade, nomós Autoridades lokais inklui PNTL, realiza diálogu ida iha Munisipiu Manatuto, atu fasilita komunidade hodi rezolve sira nia problema no hametin paz no koezaun sosiál iha komunidade. Diálogu refere hala’o iha Munisípiu Manatuto, Postu Administrativu Laclo, Suku Lako Mesak, iha loron Tersa-Feira, (09/02/2016). Read more

MSS HALO ASSESSMENT NO APOIU BA VÍTIMA DEZASTRE

Udan boot ne’ebé akontese iha Díli, loron 5 Fevereiru 2016, durante oras balun laran rezulta inundasaun, hodi estraga uma, aihan no sasan uma laran komunidade sira nian. Área ne’ebé afetadu bazeia ba assessment ne’ebé halo hosi ekipa konjunta mak, Postu Administrativu Cristo Rei (Aldeia Kakeu Laran, Mota Ulun, Fatuk Francisco, Becusi Kraik), Posto Administrativu Dom Aleixo (Ailok Laran, Manleuna no Delta). Read more

MSS ENTREGA MOTORIZADAS 8 BA SERVISU PATRIMÓNIU

Ministériu Solidariedade Sosiál (MSS) liu hosi Diresaun Nasionál Planu, Finansas, Aprovisionamentu no Lojístika (DNPFAL), entrega motorizadas 8 (Ualu) ba patrimóniu Estadu ho razaun tanba motorizadas hirak ne’e ho kondisaun aat. Motorizadas refere entrega iha Balide-Dili, Loron Kinta-Feira, (04/02/2016). Read more

MSS DISTRIBUI APOIU EMERJÉNSIA BA VÍTIMAS DEZASTRE

Udan boot ne’ebé akontese iha Tersa-Feira, (02/02/2016) fó impaktu maka’as ba komunidade sira iha Distritu Dili, Aldeia Lau Loran, Aldeia Mane Mesak no Aldeia Buka Fini, Suku Bairo Pite. Iha akontesementu ne’e, rezulta família hamutuk 35 nia uma hetan estragus inklui mós sasan uma laran. Iha tempu ne’e kedas, MSS halo kedas intervensaun imediata hodi identifika no fó apoiu emerjénsia ba vítima sira, distribuisaun ne’e hala’o iha Loron Kuarta-Feira, (03/02/2016). Read more

MINISTRU DEFEZA INDONESIA TAU AIFUNAN IHA JARDIN

Liu tiha semana ida hafoin vizita Prezidente Joko Widodo “Jokowi” iha Timor-Leste, Ministru Defesa Indonesia, Ryamizard Ryacudu ho ninia delegasaun hala’o Vizita mós mai iha Timor-Leste. Iha vizita ida ne’e liu mós ba Jardin Erois Metinaro ne’ebé simu ho parada Militar F-FDTL no hetan akompañamentu hosi Ministra Solidariedade Sosiál, Sra. Isabel Amaral Guterres no Xefe Estadu Maior, Koronel Falur Rate Laek hodi fó presta omenajen ba asuwain Timor-Leste nian, ne’ebé mate durante luta ba ukun rasik-an. Vizita refere hala’o iha Loron Terça-Feira, (02/02/2016). Read more

ASINA MOU ENTRE GOVERNU TIMOR-LESTE HO NORTHERN

Ministra Solidariedade Sosiál, Sra. Isabel Amaral Guterres ho Ministru Interiór, Longuinhos Monteiro reprezenta Governu Timor-Leste asina memorandum of understanding-MoU ho Northern Territory Government-Australia iha área Dezastre nian, liu-liu kona-ba reforsa ba kapasidade emerjénsia no jestaun dezastre (Enhancing Emergency And Disaster Management Capacity) hodi hametin rejiliénsia hasoru dezastre iha Timor-Leste. MoU refere asina iha edifísiu Ministériu Interiór, Kaikoli-Dili, loron Segunda-Feira, (01/02/2016). Read more