MINISTRA HALO ENKONTRU HO PONTU FOKAIS DEZASTRE

Ministra Solidariedade Sosiál, Isabel Amaral Guterres akompanha hosi Diretor Nasionál Gestaun Risku Dezastre (DNGRD), Alváro da Silva hala’o enkontru ho pontu fokais hosi Munisipiu hotu-hotu hodi halo avaliasaun ba progresu servisu no dezafius sira ne’ebé pontu fokais sira infrenta iha terenu, nune’e bele hadia servisu dezastre nian iha futuru atu bele fó atendimentu ida ne’ebé imediata no efetivu liu tan wainhira komunidade sira hetan dezastre, liu-liu iha tinan 2016. Enkontru ne’e hala’o iha Edifísiu Sentral MSS-Kaikoli-Dili, Loron Kuarta-Feira, (27/04/2016). Read more

MSS HALA’O SORUMUTU HO KNTL BA UNESCO

Ministra Solidariedade Sosiál, Isabel Amaral Guterres ho Secretária Executivu KNTL (Komisaun Nasionál Timor-Leste) ba UNESCO (United Nations Educational, Scientific, and Cultura Organization), Maria Angelina Sarmento hala’o sorumutu kona-ba aprezentasaun programa inkluzaun sosiál no determinasaun data ba dialogu Nasionál. Sorumutu refere realiza iha sala reuniaun Gabinete Ministra MSS Kaikoli-Dili, Loron Kuarta-Feira, (27/04/2016). Read more

MSS ASINA MOU HO INSTITUISAUN SOLIDARIEDADE SOSIÁL

Ministériu Solidariedade Sosiál (MSS) liu hosi Diresaun Nasionál Dezenvolvimentu Sosiál (DNDS) kontinua apoiu no servisu hamutuk ho Instituisaun Solidariedade Sosiál (ISS) ne’ebé prense ona kriteria hodi hetan fundus hosi MSS ba implementa programa iha area protesaun no asistensia sosiál, vitima violensia bazeia ba jeneru, labarik iha risku no vitima, ema ho defisiensia no familia vulneravel sira. Asina Memorandum of Understanding (MoU) refere hosi Vise-Ministru Solidariedade Sosiál, Eng. Miguel Marques Gonçalves “Manetelu” ho Instituisaun Solidariedade Sosiál iha Salaun Edifísiu Sentrál MSS Kaikoli-Dili, Loron Kinta-Feira, (21/04/2016). Read more

MSS REALIZA PRA-DIALOGU IHA MUNISIPIU LIQUIÇA

Ministériu Solidariedade Sosiál-MSS, liu hosi Diresaun Nasionál Dezenvolvimentu Sosiál, Departamentu Hari’i Paz no Koezaun Sosiál hamutuk ho Diretór Sentru Solidariedade Sosiál Munisipiu Liquiça, ONG Belun, Lider komunitarius no parte seguransa-PNTL Munisipiu Liquiça, fasilita pra-dialogu ho komunidade sira, atividade ne’e hanesan prosesu ida hodi hetan informasaun no konsensus atu kontinua ba nahe biti boot, nune’e bele fó solusaun ba problema ne’ebé akontese iha dia 13 Fevereiru 2016 iha Munisipiu Liquiça entre Suku Lisadila, Vatubou no Leotela, aktus konflitu ne’e halo hosi joven sira ne’ebé rezulta ema nain ida mate no ema nain rua kanek, pra-dialogu refere hala’o iha Suku Leotela-Lefa, loron Kinta-Feira, (14/04/2016). Read more

FUNSAUN PÚBLIKA SEI HALA’O DIAGNÓSTIKA FORSA

Prezidente Funsaun Públika, Dr. Faustino Cardoso hamutuk ho Ministru Administrasaun Estatal, Dr. Dionisio Babo no Ministra MSS, Sra. Isabel Amaral Guterres inklui mós Diretóres Jerais, Diretóres Nasionais no Xefes Departamentus Rekursus Humanus hosi Ministériu hotu-hotu, ofisialmente lansa ona Diagnóstika Forsa Traballu ne’ebé iha tempu badak hosi Parte Funsaun Públika sei hala’o diagnóstika ba Ministériu sira hotu. Ministériu Solidariedade Sosiál-MSS mak sai hanesan pilotu ba programa refere. Seremónia lansamentu ne’e hala’o iha Salaun Edifísiu Sentrál MSS Kaikoli-Dili, Loron Sesta-Feira, (08/04/2016). Read more

SERIMÓNIA PRIMEIRA PEDRA BA MONUMENTU

Vise Ministru Solidariedade Sosiál, Eng. Miguel Marques Gonçalves “ Manetelu” hamutuk ho reprezentante hosi partidu Frente Revolusionáriu Timor-Leste Independente (Fretilin), União Democrática Timorense (UDT), Associação Popular Democrática Timorense (Apodeti), Klibur Oan Timor As’wain (KOTA) no partidu Trabalista hala’o primeira pedra ba monumentu rekonsiliasaun iha Aifu, Suku Petete, Postu Administrativu Ermera, iha loron Kinta-Feira, (07/04/2016). Read more