MSS LIU HOSI CSSML ESTABELESE REDE PROTESAUN

Bazeia ba Konstituisaun RDTL artigu 18, labarik hotu-hotu iha direitu atu hetan protesaun i Ministériu Solidariedade Sosál (MSS) hanesan orgaun ne’ebé iha responsabilidade atu kria kondisaun ba atendimentu protesaun labarik iha Timor-Leste. Tanba ne’e, MSS liu hosi Centru Solidariedade Sosiál Munisípiu Lautem (CSSML) hala’o workshop loron ida ba Estabelesementu Rede Protesaun Labarik (ERPL) iha nivel postu Administrativu no Sukus, ho nia objetivu atu oinsá garante protesaun ba labarik ho másimu hosi hahalok ema ne’ebé viola direitu labarik nian. Abertura ba Workshop refere hala’o hosi Administradór Munisípiu Lautem, Zeferinho dos Santos Sequera, iha Salaun Administrasaun Munisípiu Lautem, loron Tersa-Feira, (26/07/2016). Read more

VETERANUS AUSTRALIA VIZITA JARDIM HEROIS METINARO

Relasiona ho vizita Veteranus Australia mai iha Timor-Leste, hala’o vizita mós ba Jardim Herois Metinaro, ne’ebé hetan akompañamentu hosi Sekretáriu Jeral Ekipa Task force Veteranus Timor-Leste, Jorge Alves no Diretór Nasionál Asuntus Kombatentes Libertasaun Nasionál, Joaquim Carvalho de Araújo inklui mós Veteranus Timor-Leste balun, objetivu vizita ne’e hodi tau aifunan no fó omenajen ba Asuwain Timor-Leste nian ne’ebé mate durante luta ba ukun rasik-an. Vizita refere hala’o iha loron terça-Feira (19/07/2016). Read more

SEMINÁRIU APRESENTASAUN REZULTADU PESKIZA KONA-BA

Ministériu Solidariedade Sosiál-MSS, Diresaun Nasionál Asuntu Kombatentes Libertasaun Nasionál, Departamentu Peskiza i Dokumentasaun hamutuk ho kuadrus resisténsia sira realiza semináriu ida hodi apresenta no fó apresiasaun resultadu final peskiza kona-ba istória funu libertasaun nasionál, liu-liu ba fatin istóriku iha Timor-Leste, dadus ba fatin istóriku ne’ebé mak identifika ona hamutuk 423 no Peskiza ne’e rasik halo hosi Departamentu Peskiza i Dokumentasaun-MSS. Semináriu refere loke diretamente hosi Vise-Ministru Solidariedade Sosiál, Miguel Marques Gonçalves “Manetelu” ne’ebé hala’o iha Edifísiu Sentral MSS Kaikoli-Dili, Loron Kinta-Feira, (14/07/2016). Read more

ENKONTRU KORDENASAUN BA INKLUZAUN EMA HO DEFISIENSIA

Ministériu Solidariedade Sosiál-MSS, liu hosi Dirasaun Nasionál Asisténsia Sosiál-(DNAS) hamutuk ho Handicap International realiza enkontru ho Pontu Fokal sira hosi Ministériu no Sekretáriu Estadu inklui mós representante hosi Organizasaun Defisientes nian iha Timor-Leste. Objetivu hosi enkontru kordenasaun ba inkluzaun ema ho defisiensia ne’e atu fahe informasaun no fó ideias ba malu kona-ba dezenvolvimentu ema ho defisiensia iha Timor-Leste nomós oinsá atu hari’i grupu servisu multi disiplinar ida hodi estuda i prepara projeitu púlitika Nasionál ba ema ho Defisiensia, nune’e bele atende defisientes sira ho di’ak liu tan iha futuru. Enkontru refere loke diretamente hosi Diretór Jeral MSS ba Protesaun Sosiál i Asuntu Kombatentes Libertasaun Nasionál, Eugénio João Amado de Maria Soares, ne’ebé hala’o iha Edifísiu Sentral MSS-Kaikoli-Dili, loron Terça-Feira, (12/07/2016). Read more

MINISTRA HO VISE MINISTRU MSS PARTISIPA ENKONTRU

Ministra MSS, Isabel Amaral Guterres ho Vise Ministru, Eng. Miguel Marques Gonçalves partisipa iha enkontru bilaterál Governu Timor-Leste ho Parseirus Dezenvolvimentu, hamutuk ho ministériu seluk, ne’ebé iha biban ne’e ko’alia mós kona-ba asuntu Sosiais, espesífiku ba projetu koridór Dili-Ainaro, ne’ebé diriji diretamente hosi Vise-Ministru Negosiu Estranjeiru i Koperasaun, Roberto S. De O. Soares. Enkotnru refere hala’o iha Sala enkontru Ministériu Estranjeiru, Pantai Kelapa-Dili, Loron Sexta-Feira, (01/07/2016). Read more