Archive for year: 2016

Ministériu Solidariedade Sosiál-MSS, liu hosi Dirasaun Nasionál Asisténsia Sosiál-(DNAS) hamutuk ho Handicap International realiza enkontru ho Pontu Fokal sira hosi Ministériu no Sekretáriu Estadu inklui mós representante hosi Organizasaun Defisientes nian iha Timor-Leste. Objetivu hosi enkontru kordenasaun ba inkluzaun ema ho defisiensia ne’e atu fahe informasaun no fó ideias ba malu kona-ba dezenvolvimentu ema ho defisiensia iha Timor-Leste nomós oinsá atu hari’i grupu servisu multi disiplinar ida hodi estuda i prepara projeitu púlitika Nasionál ba ema ho Defisiensia, nune’e bele atende defisientes sira ho di’ak liu tan iha futuru. Enkontru refere loke diretamente hosi Diretór Jeral MSS ba Protesaun Sosiál i Asuntu Kombatentes Libertasaun Nasionál, Eugénio João Amado de Maria Soares, ne’ebé hala’o iha Edifísiu Sentral MSS-Kaikoli-Dili, loron Terça-Feira, (12/07/2016). Read more

Ministra MSS, Isabel Amaral Guterres ho Vise Ministru, Eng. Miguel Marques Gonçalves partisipa iha enkontru bilaterál Governu Timor-Leste ho Parseirus Dezenvolvimentu, hamutuk ho ministériu seluk, ne’ebé iha biban ne’e ko’alia mós kona-ba asuntu Sosiais, espesífiku ba projetu koridór Dili-Ainaro, ne’ebé diriji diretamente hosi Vise-Ministru Negosiu Estranjeiru i Koperasaun, Roberto S. De O. Soares. Enkotnru refere hala’o iha Sala enkontru Ministériu Estranjeiru, Pantai Kelapa-Dili, Loron Sexta-Feira, (01/07/2016). Read more

Ministériu Solidariedade Sosiál-MSS liu hosi Diresaun Nasionál Assistênsia Sosiál-DNAS realiza ceremónia entrega kareta funeráriu foun hamutuk 10 ne’ebé entrega direitamente hosi Kompañia Ponte Unip. Lda ba Vise-Ministru MSS, Miguel Marques Gonçalves “Manetelu” depois Vise-Ministru ho Diretór DNAS, Mateus da Silva entrega simbolikamente xavi kareta ba motorista sira. Kareta funeráriu refere hetan bensaun hosi Amo Pe. Gui do Carmo da Silva SDB, iha resintu MSS Kaikoli-Dili, Loron Segunda-Feira (27/06/2016). Read more

Ministra Solidariedade Sosiál, Isabel Amaral Guterres ofisialmente ensera workshop Protesaun Sosiál iha Timor-Leste, ne’ebé hala’o durante loron 3, hahu hosi loron Kuarta to’o Sexta Feira, (22-24/06/2016), iha Arquivu Nasionál Dili. Péritu hosi workshop ne’e rasik mai hosi nasaun Inglateira no hetan suporta hosi Australian Aid. Read more

Governu Timor-Leste, liu hosi Ministra Solidariedade Sosiál, Isabel Amaral Guterres, Representante Ministériu Justisa, Sergio Hornai no Komisáriu PNTL, Júlio Hornai hala’o seremónia agradesimentu ba Governu Japaun ne’ebé durante ne’e fó ona apoiu ba Ministériu Solidariedade Sosiál-MSS, liu-liu Diresaun Nasionál Dezenvolvimentu Sosiál-DNDS i Departamentu Hari’i Paz no Koezaun Sosiál, Ministériu Justisa no Ministériu Interior liu hosi United Nation Development Program-UNDP ba programa hametin Hari’i Paz no Koezaun Sosiál iha Timor-Leste, Seremónia refere hala’o iha Hotel Dili, Loron Kinta-Feira, (23/06/2016). Read more

Ministériu Solidariedade Sosiál-MSS, liu hosi Diretór Nasionál Asisténsia Sosiál-DNAS, Mateus da Silva no Xefe Escritoriu Cordenador residensia Organizasaun Nasoins Unidas-ONU iha Timor-Leste, Adelina Karli Tilman Lourdes hala’o talk show ida kona-ba asuntu Elnino (bailoron naruk). Objetivu hosi Talk Show ne’e mak atu fahe informasaun ba públiku, oinsá Governu Timor-Leste, liu-liu Ministériu Solidariedade Sosiál no ONU responde ona ba asuntu Elnino ne’ebé afeta ba komunidade iha Timor-Leste, espesialmente ba Munisipius sira ne’ebé identifika ona afetadu hosi Elnino ne’e rasik, hanesan Munisipiu Baucau, Lospalos, Suai, Liquiça no Manatuto. Talk Show refere fasilita hosi Média Primeiru Ministru (PM) no realiza hosi Radio Metro FM ne’ebé hala’o iha loron Segunda-Feira, (20/06/2016), iha Studio Radio Metro FM, CNE Maskarinhas-Dili. Read more

Ministériu Solidariedade Sosiál (MSS) liu husi Diresaun Nasionál Assuntus Kombatentes Libertasaun Nasionál (DNAKLN) hamutuk ho Komisaun Omenajen fasilita seremónia funebre ba saudozu Luis Pereira alias “Parteti” iha Jardim Erois Metinaro, Díli iha loron Sábadu (18/6/2016). Read more