Archive for year: 2016

Ministra Solidariedade Sosiál, Isabel Amaral Guterres akompaña husi Diretóra Nasionál Rejime Kontributivu, Aida Soares Mota Hamutuk ho Ministru Estadu Kordenador Asuntus ekonómiku no Agrikultura, Estanislau da Silva no Sekretáriu Estadu Formasaun Profesional i Empregu-SEFOPE, Elídio Ximenes Da Costa, hala’o diskusaun Preliminaria ho Deputadus sira hosi komisaun F no D kona-ba proposta lei seguransa sosiál rejime kontributivu ba Funsionáriu Públiku nomós Funsionárius seitór privadu. Diskusaun refere hala’o Iha loron Kinta-Feira, (16/06/2016), iha salaun Konferensia Parlamentu Nasionál-PN. Read more

Ministériu Finansas-MF distribui ona envelope fiskal ba Instituisaun Governu inklui mós Ministériu Solidariedade Sosiál-MSS atu enkaixa iha planu no programa prioridade ministériu nian hodi ezekuta ba tinan 2017, atividade refere diriji diretamente hosi Vise Ministru Finansas Helder Lopes no akompanha hosi Ministra Solidariedade Sosiál, Isabel Amaral Guterres, ne’ebé hala’o iha Salaun Enkontru Edifísiu Sentral MSS-Kaikoli-Dili, Loron Segunda-Feira, (13/06/2016). Read more

Ministerio Solidariedade Sosial (MSS) liu husi Diresaun Nasional Asuntu Kombatentes Libertasaun Nasional (DNAKLN) hamutuk ho Presidente Komisaun Homenajen Virgilio Smith “Kranik” fó homenajen ba saudoza Helena Maria Guerra Carlota de Araújo alias Lenita. Desijaun ida ne’e foti hodi fo honra ba saudoza nia kontribuisaun ba luta libertasaun nasional durante tinan 24. Asaun solidariedade ida ne’e halo iha loron Sexta-feira, residensia Balide Díli(10/6/2016). Read more

Relasiona ho vizita ofisiál Ministru Defesa Japaun, Gen Nakatani ho nia komitiva mai iha Timor-Leste, hala’o vizita mós ba Jardim Herois Metinaro, ne’ebé hetan akompañamentu hosi Vise Ministru Solidariedade Sosiál, Miguel Marques Gonçalves “Manetelu” no Presidente Komisaun Omenajen, Virgilio Smith hodi tau aifunan iha Jardim Herois Metinaro, asaun ne’e halo atu presta omenajen ba Asuwain Timor-Leste nian, ne’ebé mate durante luta ba ukun rasik-an. Read more

Governu, liu husi Ministériu Solidariedade Sosiál-MSS, Diresaun Nasionál Dezenvolvimentu Sosiál-DNDS, Departamentu Hari’i Paz no Koezaun Sosiál iha kna’ar ida atu hametin paz no koezaun sosiál iha Timor-Leste, tamba ne’e MSS hamutuk ho United Nation Development Programme-UNDP, ONG Belun, Lia Nain, Autoridade Lokais, Veteranus, no PNTL Munisipiu Liquiça fasilita i realiza tan diálogu no nahe biti boot hodi hadia fali relasaun di’ak entre komunidade sira ne’ebé durante ne’e hetan konflitu, liu-liu Suku Lisadila, Vatubou no Letola, eventu refere hala’o iha Lefa-Fau Laran, Suku Letola Munisipiu Liquiça, Loron Kuarta-Feira, (25/05/2016). Read more

Timor-Leste komemora loron restaurasaun independênsia ba dala XIV ho seremónia hasa’e bandeira, ne’ebé prejide diretamente husi Presidente da Repúblika Timor-Leste, Taur Matan Ruak, hodi fó mós medalha rekonesimentu grande colar no méritu ordem Timor-Leste nian ba ema 25, kompostu hosi ema estranjeiru inklui mós Timor-oan ne’ebé mak durante tempu resistensia fó nia kontribuisaun no didikasaun tomak ba prosesu independensia Timor-Leste rasik, seremónia refere hala’o iha Munisipiu Ermera, Loron Sesta-Feira, (20/05/2016). Read more

Ministra Solidariedade Sosiál, Isabel Amaral Guterres akompaña ho Presidente Komisaun (F) hosi Parlamentu Nasionál, Virgilio da Costa Hornai no Diretór Fongtil, Arsenio Pereira hala’o Talk Show iha programa ita nia Governu, ne’ebé kóalia kona-ba asuntus sosiais. Programa Talk Show refere organiza hosi Secretário Estado de Comunicacão Sosiál-SECOM no Radio Televisaun Timor-Leste-RTTL ep. ne’ebé hala’o iha Salaun Museu Resisténsia Timor-Leste, Loron Segunda-Feira, (09/05/2016). Read more