Archive for year: 2017

Ministra MSS Dra. Florentina da Conceição Pereira Martins Smith, hala’o enkontru ho Diretór Jerál Protesaun Sosiál no Asuntus Combatentes ba Libertasaun Nasionál, Sr. Eugénio João Amado de Maria Soares, Diretór-Jerál Servisu Corporativus Sr. Rui Manuel Gago Exposto, Asesor Nasionál, Internasionál no Gabinete Ministra hodi ko’alia kona-ba planu estratéjiku dezenvolvimentu MSS nian, ba kurtu prazu tinan 2017 to’o tinan 2022. Enkontru ne’e hala’o iha sala servisu Ministra nian, iha Caicoli Dili, loron Kinta-Feira (28/09/2017).

Relasiona ho formasaun VII Governu Konstitusional, funsionárius Ministrériu Solidariedade Sosiál (MSS) hamutuk ho ministra sesante Dra. Isabel Amaral Guterres, Vise-Ministru sesante Eng. Miguel Marques Gonçalves ‘Manetelu’ no Prezidente Komisaun Omenajen Sr. Virgilio Smith, simu Ministra foun, Dra. Florentina da Conceição Pereira Martins Smith iha edifisiu sentrál MSS Kaikoli-Díli, Segunda Feira (18/09/2017). Read more

Ministériu Solidariedade Sosiál-MSS, liu husi CSSM Baucau hamutuk ho Prezidente Autoridade Munisípiu Baucau fó apoiu emerjénsia ba vítima ahi han uma iha Munisípiu Baucau, Postu Administrativu Quelicai Suku Abo, ne’ebé rezulta uma kain 15 no hamutuk família 21. Sasan emerjénsia hirak ne’e entrega simbolikamente husi Prezidente Autoridade Munisípiu Baucau, akompaña husi ekipa dezastre naturais nasionál nomós ekipa DDMC munisípiu, no autoridade lokál iha fatin refere. Atividade ida ne’e hala’o iha loron Tersa-Feira (11/09/2017). Read more

Ministériu Solidariedade Sosiál-MSS, liu hosi Diretór-Geral Servisus Korporativus entrega ona carru funeráriu 4 inklui mós róo funeráriu 1 ba Autoridade Munisípiu Díli, hodi bele jere no atende funeráriu iha munisípiu Díli nian. Serimónia refere hala’o iha Edifísiu Munisípiu Díli-Matadoru, Loron Segunda-Feira, (11/09/2017). Read more

Ministra Solidariedade Sosiál, Isabel Amaral Guterres no Vise-Ministru Solidariedade Sosiál, Miguel Marques Gonçalves “Manetelu” halo seremónia despedida ho funsionáriu Ministériu Solidariedade Sosiál-MSS, Instituisaun Solidariedade Sosiál-ISS no parseiru sira. Seremónia refere hala’o iha edifísiu sentrál MSS Kaikoli-Dili, loron Sesta-Feira, (25/08/2017). Read more

Centru Solidariedade Sosiál Municipiu Lautém-CSSML, estabelese ho nia papél atu halo atendimentu sosiál iha Municipiu, hanesan ain no liman Ministériu Solidariedade Sosiál nian iha baze. Refere ba polítika ne’ebé iha, Diresaun Munisípiu implementa ona programa nasionál hanesan asuntu Dezastre Naturais no Veteranus. Diresaun ne’e rasik halo atendimentu kobre Posto Administrativu lima (5) mak hanesan Iliomar, Lautém, Luro, Tutuala no Lospalos Villa rasik. Read more

Ministériu Solidariedade Sosiál-MSS, liu hosi Diresaun Nasionál Gestaun Risku Dezastre-DNGRD hamutuk ho United Nation Development Programme-UNDP no liñas Ministeriais hala’o enkontru hodi kóalia kona-ba Dezenvolvimentu Projeitu Koridor Estrada Dili-Ainaro nomós halo lansamentu manual ba jestaun risku dezastre inklui base dadus. Enkontru refere diriji diretamente hosi Ministra Solidariedade Sosiál, Dra. Isabel Amaral Guterres ne’ebé hala’o iha Timor Plaza-Dili, Loron Segunda-Feira, (10/07/2017). Read more