Archive for year: 2017

Relasiona ho udan boot semana kotuk, komunidade iha Postu Administrativu Metinaro, liu-liu Suku Duyung, Aldeia Manleu, hamutuk uma kain 150 afeta hosi inundasaun, tanba ne’e, Ministra Solidariedade Sosiál, Dra. Isabel Amaral Guterres no Vise-Ministru Solidariedade Sosiál Eng. Miguel Marques Gonçalves “Manetelu” ho ekipa dezastre inklui autoridade lokál iha área refere hala’o kedas observasaun imediata ba dezastre ne’ebé akontese, nomós distribui sasán emerjénsia ba vítima dezastre naturais. Atividade ne’e hala’o iha loron Sexta Feira, (31/03/2017). Read more

Ministériu Solidariedade Sosiál-MSS, liu hosi Vise-Ministru Solidariedade Sosiál, Eng. Miguel Marques Gonçalves “Manetelu” ho nia ekipa entrega sasan nesesidade báziku ba ema ho moras Tuberkoloziu iha Institutu Maun Alin Iha Kristo (ISMAIK), hodi fó solidariedade maluk sira ne’ebé afeta hosi moras Tuberkoloziu. Atividade ne’e hala’o iha Institutu ISMAIK-Tibar, Loron Kuarta-Feira, (30/03/2017). Read more

Ministériu Solidariedade Sosiál-MSS hamutuk ho International Labour Organization-ILO, hala’o semináriu nasionál ba preparasaun estratéjia protesaun sosiál iha Timor-Leste, hanesan semináriu ba dala ikus nian, ne’ebé lidera hosi Ministra Solidariedade Sosiál, Dra. Isabel Amaral Guterres. Semináriu refere hala’o iha Ótel Timor, loron Kuarta-Feira, (29/03/2017). Read more

Eis Governador General Nova Zelândia, Jerry Mateparae hala’o vizita ba Jardim Dos Herois Metinaro. Objetivu hosi vizita ne’e hodi tau aifunan no fó omenajen ba Asuwain Timor-Leste ne’ebé mate durante luta ba ukun rasik-an, vizita ne’e hetan akompaña hosi Ministra Solidariedade Sosiál, Dra. Isabel Amaral Guterres, Diretór Nasionál Asuntus Kombatentes Libertasaun Nasionál, Joaquim Carvalho de Araújo, Xefes Departamentus inklui Funsionárius balun hosi Ministériu Solidariedade Sosiál-MSS. Vizita refere hala’o iha Loron Sexta-Feira, (17/03/2017). Read more

Loron 08 Fulan Marsu hanesan Loron Mundiál ba Feto nian, nune’e, Ministériu Solidariedade Sosiál-MSS, liu hosi Vise Ministru Solidariedade Sosiál, Miguel Marques Gonçalves “Manetelu” hamutuk ho Diresaun Nasionál Dezenvolvimentu Sosiál-DNDS, liu-liu Departamentu feto nomós Funsionárius Feto iha MSS, selebra hamutuk loron Mundiál ida ne’e. Tema ba selebrasaun loron refere ba tinan ida ne’e mak “aten brani ba transformasaun servisu feto nian iha seitor hotu-hotu”. Atividade ne’e hala’o iha Salaun Edifísiu Sentrál MSS-Kaikoli-Dili, Loron Kuarta-Feira, (08/03/2017). Read more

Ministériu Solidariedade Sosiál-MSS, liu hosi Centru Solidariedade Sosiál Munisípiu Ermera-CSSME fó ona apoiu sasan emerjênsia ba família afetadus vítima dezastres naturais, total família afetadus ne’ebé MSS fó apoiu hamutuk 155. Entrega sasan hirak ne’e simbolikamente hala’o hosi Diretór Centru Solidariedade Sosiál Munisipiu Ermera, João Bosco de Jesus Mendonça hamutuk ho Autoridades Lokais sira. Atividade refere hala’o iha Munisipiu Ermera, Postu Administrativu Atsabe, Loron Kinta-Feira, (16/02/2017). Read more

Ministériu Solidariedade Sosiál-MSS, liu hosi Centru Solidariedade Sosiál Munisipiu Dili, fó ona apoiu emerjênsia no material konstrusaun ba família vítima dezastre naturais hamutuk 15 ne’ebé uma hetan estragus hosi kauza dezastres naturais iha semana kotuk, Entrega sasan hirak ne’e simbolikamente hala’o hosi Vise-Ministru Solidariedade Sosiál, Miguel Marques Gonçalves “Manetelu”, Administrador Postu Dom Aleixo ho nia Xefe Suco, Xefes Aldeias inklui ekipa hosi MSS. Atividade refere hala’o iha Munisipiu Dili, Postu Administrativu Dom Aleixo, Suco Comoro, Loron Terça-Feira, (14/02/2017). Read more