Archive for year: 2017

Governu liu hosi Ministériu Interior ho Ministériu Solidariedade Sosiál-MSS ne’ebé kordena no responsabiliza ba asuntu dezastre naturais iha Timor-Leste, realiza Konferênsia Imprensa ida ho objetivu atu fó informasaun detallu ba iha komunidade kona-ba dezastre ne’ebé mak akontese semana ida ikus iha teritóriu Timor laran tomak, Liu-liu iha Munisípiu Baucau, Ermera, Ainaro Same, Aileu nomós Lautem. Konferênsia imprensa refere hala’o Iha sala enkontru edifísiu Bombeirus-Kaikoli-Dili, Loron Kinta-Feira, (09/02/2017). Read more

Ministériu Solidariedade Sosiál-MSS, liu hosi Centru Solidariedade Sosiál Munisípiu Aileu-CSSMA, fó ona apoiu ba Armindo Izaias, tanba konsidera hanesan ema vulneralvel. Apoiu ne’ebé mak Ministériu fó hanesan aihan no harii uma ba nia. Programa ida ne’e realiza tanba hetan servisu integradu entre MSS ho Autoridade Lokál, komunidade, inklui PNTL. Programa refere hala’o iha Aldeia Kotalau, Suku Kotalau, Postu Administrativu Laulara, Munisipiu Aileu Loron Sexta-Feira, (03/02/2017). Read more

Hahú hosi tinan 2014 to’o 2016 United Nations Development Programme-UNDP sai hanesan parseiru ba Ministériu Solidariedade Sosiál-MSS, hodi implementa programa hametin paz no koezaun sosiál iha Timor-Leste. Atu programa hametin paz no koezaun social ne’e la’o nafatin, UNDP entrega (hand over) ekipamentus lojístika no materiál informátika, inklui kareta hodi bele operasionaliza nafatin servisu refere iha futuru. Seremónia entrega ekipamentus ne’e, simbolikamente simu hosi Ministra Solidariedade Sosiál, Dra. Isabel Amaral Guterres, ne’ebé hala’o iha Hotel Timor, loron Sexta-Feira, (03/02/2017). Read more

Ministériu Solidariedade Sosiál-MSS liu hosi Diresaun Nasionál Dezenvolvimentu Sosiál –DNDS entrega ekipamentus hanesan informatika no motorizadas ba pontu fokal VBJ (Violénsia Bazeia ba Jéneru) hodi apoiu atu fasilita sira nia prestasaun servisu ba atendimentu benefisiarius ho kualidade ne’ebé diak iha kada Municipiu inklui RAEOA. Entrega ekipamentus refere hala’o iha Edifísiu Sentrál MSS-Kaikoli-Dili, loron Tersa-Feira, (31/01/2017). Read more

ise Ministru Solidariedade Sosiál, Miguel Marques Gonçalves “Manetelu” hamutuk ho Ekipa Traballu Avaliasaun Ministériu Solidariedade Sosiál-MSS hala’o aprezentasaun rezultadu avaliasaun ba Instituisaun Solidariedade Sosiál-ISS hamutuk 37. Avaliasaun ne’e foka liu ba ezekusaun programa no orsamentu ne’ebé ISS hala’o ona durante tinan 2016. Objetivu hosi avaliasaun ne’e atu hatene obstaklu saida mak instituisaun sira enfrenta, no óinsa bele hadi’a hodi nune’e iha futuru ISS bele halo servisu no atendimentu di’ak liu tan ba maluk vulnerável sira. Avaliasaun refere hala’o iha Salaun Edifísiu Sentrál MSS Kaikoli-Dili, loron Segunda-Feira, (30/01/2017). Read more

Deskonsentrasaun teritorial ne’ebé Governu fó ona ba Munisipius mak, Ministra Solidariedade Sosiál, Dra. Isabel Amaral Guterres hamutuk ho Vise Ministru Administrasaun Estatal, Tomas Cabral hala’o asina akordu hodi entrega servisu balun Ministériu Solidariedade Sosiál-MSS hosi Nasionál ba Munisipius inklui tékniku profesional sira ho nia orsamentu tomak hodi bele hala’o servisu iha Munisipius, maibé hosi parte nasionál sei nafatin fó apoiu tékniku hodi nune’e prosesu deskonsentrasaun ne’e bele la’o di’ak iha futuru. Objetivu hosi deskonsentrasaun ne’e atu hakbesik liu tan servisu Governu, liu-liu servisu área sosiais nian iha komunidade. Asina refere hala’o iha sala enkontru Edifísiu Ministériu Administrasaun Estatal-MAE-Dili, Loron Sexta-Feira, (20/01/2017). Read more

Ministra Solidariedade Sosiál, Dra. Isabel Amaral Guterres hamutuk ho Sekretária Estadu Mulheres-SEM no Diresaun Nasionál Asisténsia Sosiál-DNAS hala’o enkontru ho parseirus dezenvolvimentu hanesan, United Nations Development Programme-UNDP, United Nations Children’s Fund-UNICEF, World Health Organization-WHO inklui Asesor Nasionais no Internasionais hodi ko’alia kona-ba progresu servisu iha área defisientes nian no oinsá parseirus sira bele fó apoiu nafatin iha área refere. Enkontru ne’e hala’o iha Edifísiu Sentral MSS Kaikoli-Dili, Loron Kinta-Feira, (19/01/2017). Read more