35 ISS HETAN APOIU HOSI MSSI

Ministériu Solidariedade Sosiál no Inkluzaun-MSSI hala’o seremónia asina akordu koperasaun hodi fó apoiu ba Instituisaun Solidariedade Sosiál-ISS atu bele hatutan servisu MSSI nian iha tinan 2019. Seremónia assina akordu refere hala’o iha Edifísiu Sentral MSSI-Kaikoli-Díli, Loron Kinta-Feira, (25/07/2019).

Orsamentu ba 35 instituisoens ho Total USD. 1,388.710.60. Orsamentu hirak ne’e bele uza hodi implementa programa no atividades instituisaun ida-idak nian ne’ebé trasa ona, liu-liu oinsá bele fó apoiu nafatin ba maluk benefisiárius sira no bele garante protesaun sosiál iha Timor-Leste.

Hosi 35 instituisoens ne’ebé mak MSSI fó apoiu mai ho área ne’ebé diferente mak hanesan, Uma mahon, Ema ho Defisientes, Sentru Komunitáriu, Orfonatus no Colégiu.