TALK SHOW BA ASUNTU SEGURANSA SOSIÁL

Vise-Ministra Solidariedade Sosiál no Inkluzaun-MSSI, Signi Verdial, hala’o talk show ida ba asuntu seguransa sosiál. Objetivu husi talk show ne’e atu fahe informasaun ba públiku kona-ba rejime kontributivu seguransa sosiál no oinsa governu bele prevene ka proteje taballadores sira. Talk show refere hala’o iha loron Kinta-Feira, (28/03/2019), iha Studio Radio Metro FM, Mascharenas-Dili.

Iha biban ne’e Vise-Ministra MSSI hateten, rejime kontributivu ne’e trajetu ba ema ne’ebé hetan rendimentu mensal ka fulan iha setor públiku no setor privadu.

Vise-Ministra MSSI hatutan, base fundamental seluk mak ajuda konstrui sentidu estadu katak sidadaun hotu halo kontribuisaun ba benstar komun no lakohi iha ita nia nasaun ema balun moris goja no balun la goja tamba ne’e maka ho politika ida mai husi pensamentu ba sosiedade justu ba ema hotu liu husi harii programa sistema seguransa sosiál ba sidadaun hotu-hotu, mesmu oituan maibe iha idade pensaun nia bele hetan netik osan ruma para bele goja iha futuru.

Read also:
MINISTRA MSSI INAUGURA SENTRU EVAKUASAUN DESASTRE ...

Vise-Ministra realsa liu tan, iha mesmu tempu hanoin katak objetivu prinsipal sira seluk maka hamenus pureza liu husi dalan maka estadu fó ona protesaun ba sidadaun mais vulneravel mak hanesan sira simu osan traballadores fulan-fulan nomós prevene pureza kuandu sira monu ba risku nia laran sira bele hetan osan ne’ebé bele ajuda sira no labele monu ba iha risku pureza liu tan.

Read also:
A APRESENTAÇÃO DOS SERVIÇOS DE ATENDIMENTO SOCIAL

Vise-Ministra MSSI hateten tan, antes harii sistema seguransa sosiál rejime kontributivu no durante ne’e halo estudu komparativu ho nasaun lubuk ida mak hanesan, Indonesia, Malaysia, Singapura, Philipina, Portugal, Cabo-Verde, Australia, Brazil no nia objetivu maka atu evita erru ne’ebé nasaun seluk harii ona nomós aprende parte positivu ne’ebé nasaun sira harii uluk ona ba iha sistema seguransa sosiál.

Read also:
HAND OVER PROJETUS 74 BA KOMUNIDADES

Ikus liu Vise-Ministra hato’o lia menon ba sidadaun sira hotu iha Timor-Leste tomak, mai ita hotu halo poupansa agora kontribui ba seguransa sosiál hodi bele goja ita nia direitu iha futuru ho dignu bazeia ba ita nia prinsipiu solidariedade ida ne’e maka ita nia indentidade no tempu to’o ona halo poupansa agora atu garante ita nia direitu ba osan ne’ebé ita sei simu ho valor ida aas liu iha futuru.

Comments Closed

Comments are closed. You will not be able to post a comment in this post.