MINISTRA MSSI HALA’O VISITA TRABALLU BA SSSMB NO …

Ministra Solidariedade Sosiál no Inkluzaun-MSSI, Armanda Berta dos Santos, hala’o visita traballu ba Sentru Solidariedade Sosiál Munisipiu Baucau-SSSMB no akompaña husi Diretór SSSMB, Guido Ricardo Belo, kontinua ba visita Instituisaun Solidariedade Sosiál-ISS, ne’ebé ejisti iha Munisipiu Baucau, hanesan Kolégiu Lar Sta. Tereshina, Postu Administrativu Quelikai no Kongregasaun Madres Putri no Yosef-PMY, Suku Buruma. Visita refere hala’o iha loron Tersa-Feira, (02/04/2019), iha Munisipiu Baucau.

Iha visita ne’e, Ministra MSSI hateten, objetivu visita ne’e atu hasoru direita ho diretór no funsionáriu tomak atu bele rona no observa ba situasaun real saida mak sira infrenta iha servisu fatin nomós iha terenu, liu-liu fó atendimentu ba ita nia komunidade sira iha Munisipiu Baucau.

Read also:
MSS ASINA KONTRATU HO KOMPAÑIA PARAMITA UNIPESSOAL

Ministra MSSI hatutan, husi observasaun ne’e iha duni progresu servisu ne’ebé maka durante ne’e hala’o no hanesan Ministra tau nafatin konsiderasaun ba sujestaun husi funsionáriu sira ne’ebé hato’o ona, ida ne’e mós sai hanesan sasukat no ba oin tau planu no programa servisu MSSI nia iha kada Munisipiu.

Read also:
Governu Timor-Leste Hala’o Assina Akordu Ho Governu Australia

Relasiona ho visita ba Kolégiu Lar Sta. Tereshina no Kongregasaun Madres Putri no Yosef-PMY, Ministra MSSI hato’o, visita ida ne’e hanesan visita kortezia no atividade ne’ebé sira hala’o ne’e diak tebes ba oin persija fó apoiu nafatin husi MSSI no atividade ida ne’e persija haree, akompaña, observa, fiskaliza atu bele hatene atividade instituisaun ida ne’e no Ministériu iha konsiderasaun atu tau nafatin apoiu iha orsamentu.

Entertantu, Diretór Lar Sta. Tereshina Quelikai, Pe. Jacinto Tadeo Gusmão hateten, senti kontente tanba Ministra MSSI bele hakat mai iha ne’e haree direita fatin kolégiu ida ne’e, maske ida ne’e visita kortezia maibe ami senti kontente nafatin.

Read also:
MSS REALIZA CEREMÓNIA ENTREGA KARETA FUNERÁRIU FOUN

“Labarik sira iha kolégiu ne’e hamutuk 80 kompostu mane 60 no feto 20 maibe feto hela iha asrama madre salesiana sira iha Laga no mane mak hela iha kolégiu Lar Sta, Tereshina Quelikai no Labarik sira hela iha kolégiu ida ne’e husi 12 Munisipiu laos Quelikai nia oan deit”, dehan Pe. Jacinto.

Comments Closed

Comments are closed. You will not be able to post a comment in this post.