MSSI FÓ APOIU BA VÍTIMA DEZASTRES NATURAIS

Ministériu Solidariedade Sosiál no Inkluzaun-MSSI fó apoiu humanitaria ba vítima dezastres naturais ne’ebé akontese iha fulan 2 liu ba ho tipu rai monu hodi estraga komunidade ninia uma. Apoiu refere diretamente entrega hosi Ministra Solidariedade Sosiál no Inkluzaun, Armanda Berta dos Santos, iha Aldeia Baulok, Suku Dare, Postu Administrativu Vera Cruz, Munisípiu Díli, Loron Segunda-Feira, (08/04/2019).

Hafoin entrega Ministra Solidariedade Sosiál no Inkluzaun, Armanda Berta dos Santos hateten, “Ohin hau tun direta para bele haree assisténsia sosiál ninian, tamba haree hosi rede sosiál ne’ebé fó sai no ministériu konsidera hodi bele fó apoiu ba ita nia komunidade sira, ne’ebé ohin fó ona apoiu ba ita nia inan ida ne’ebé iha Dare no ita nia tiu ida ne’ebé moras hela iha fatin Tasi-Tolu”.

Read also:
ENKONTRU BILATERAL ENTRE MTSSS PORTUGAL HO MSSI ...

Ministra realsa liu tan, antes ne’e iha ekipa tékniku ne’ebé halo ona verifikasaun no haree katak ema hirak ne’e merese duni atu hetan apoiu hosi ministériu.

Entertantu, Vitima Dezastres naturais, Laurinda Perreira hato’o nia sentimentu kontente, tamba Governu liu hosi Ministériu Solidariedade Sosiál bele fó ona apoiu ba nia no nia husu agradese ba Governu, liu-liu MSSI tamba bele hakma’an ona ninia difikuldades sira ne’ebé mak iha.

Read also:
LANÇAMENTO DO PROJECTO CONJUNTA DE CORIDÓR DILI À

Nune’e mós, Andre Bareto hanesan Xefe Aldeia Baulok hateten, “Hau kontente no louva tamba hau nia komunidade mós bele hetan apoiu hosi Ministériu Solidariedade Sosiál no Inkluzaun, ne’ebé hetan dezastres naturais hosi fulan rua liu ba hosi anin boot no udan boot”.

Read also:
GOVERNU FÓ OMENAJEN BA SAUDOZU “PARTETI”

Iha loron hanesan Ministra kontinua fó apoiu humanitaria ba ema ne’ebé moras iha Tasi-Tolu.

Comments Closed

Comments are closed. You will not be able to post a comment in this post.