ISS Oecusse Hetan Visita Husi Mtsss Portugal

Representante Ministru Traballu Solidariedade Seguransa Sosiál-MTSSS Portugal, Cláudia Joaquim hamutuk ho Vise-Ministra Solidariedade Sosiál no Inkluzaun-MSSI, Signi Verdial, hala’o visita ba Instituisaun Solidariedade Sosiál-ISS hanesan Centro Comunitário Nossa Senhora de Fatima-Padiae. Visita refere hala’o iha Suku Lalisuk, Postu Administrativu Pante Makassar, Rejiaun Administrativa Espesiál Oecusse Ambeno-RAEOA, iha loron Segunda-Feira, (15/04/2019).

Iha oportunidade ne’e, Vise-Ministra MSSI hateten, lori governu nia naran liu husi Ministériu Solidariedade Sosiál no Inkluzaun-MSSI sei lori programa ida ne’e fó diak ba ita nia komunidade iha ita nia pais oinsa ita luta ba pureza iha ita nia rai no nafatin enkoraza ita nia maluk sira no kontinua nafatin fó formasaun ba ita nia joven no reforsa sira nia skill ne’ebé sira iha.

Read also:
FUNDASAUN KLIBUR DOMIN HETAN VIZITA HOSI MINISTRA

Vise-Ministra hato’o, deseju no susesu ba oin nafatin apoiu Centro Comunitário Nossa Senhora de Fatima-Padiae ida ne’e liu husi ita nia governu no parseiru sira.

Iha fatin hanesan, Representante Ministru Traballu Solidariedade Seguransa Sosiál-MTSSS Portugal, Cláudia Joaquim hateten, servisu hamutuk kooperasaun entre Portugal ho Timor-Leste iha área seguransa sosiál hahu husi tinan 2002.

Read also:
MSS HETAN VIZITA HOSI PRIMEIRU-MINISTRU RDTL

Cláudia hatutan, hamutuk ho Timor-Leste nomós ho parte hotu atu alkansa ba oin ne’ebé diak, liu-liu ba fatin ne’ebé ba labarik ki’ik sira nian hanesan ba labarik feto no mane iha rai Timor-Leste ida ne’e atu prepara no hadia labarik sira ba futuru ne’ebé diak liu tan.

Read also:
ANIVERSÁRIU RESTAURASAUN INDEPENDÊNSIA TIMOR-LESTE

Visita ida ne’e hetan akompañamentu husi, Sekretáriu Rejional RAEOA ba asuntu Edukasaun no Solidariedade Sosiál, Arsenio Paixão Bano, Embaixadór Portugal iha Timor-Leste, José Pedro Machado Vieira, Diretór Jeral Protesaun Sosiál MSSI, Eugénio João Amado de Maria Soares, Komandante Polisia RAEOA, Superintendente Arnaldo Araujo, Diretores Nasionais no Xefes Departamentus MSSI.

Comments Closed

Comments are closed. You will not be able to post a comment in this post.