Timor-Leste Ho Portugal Assina Akordu Kooperasaun

Governu Timor-Leste, liu hosi Ministériu Solidariedade Sosiál no Inkluzaun ho Governu Portugal, hala’o assina akordu kooperasaun kona-ba Konsolidasaun Sistema Seguransa Sosiál. Assina akordu refere hala’o iha Ministériu Finansas-Ai Tarak Laran-Dili, Loron Tersa-Feira, (16/04/2019).

Akordu kooperasaun ne’e assina diretamente hosi Ministra Solidariedade Sosiál no Inkluzaun, Armanda Berta dos Santos ho Sekretária Estadu Seguransa Sosiál Portugal, Cláudia Joaquim.

Hafoin assina akordu, Ministra Solidariedade Sosiál no Inkluzaun, Armanda Berta dos Santos hateten, assina akordu kooperasaun ne’e importante tebes ba kriasaun no konsolidasaun sistema seguransa sosiál iha Timor-Leste no sai mós hanesan instrumentu legal ida hodi kontinua servisu hamutuk entre Timor-Leste ho Portugal iha área intervensaun ba protesaun sosiál no inkluzaun ba ema vulneravel, liu-liu ba direitu labarik sira, idosos inklui ema defisiénsia sira.

Ministra akresenta liu tan, programa espesífiku sira ne’ebé mak sei apoiu hosi portugal mak hanesan, apoiu instituisionál, estabelesimentu sistema kona-ba protesaun sosiál no institutu seguransa sosiál iha Timor-Leste nomós hadia planifikasaun institusionál ba implementasaun polítika públiku iha área protesaun labarik no ema ho defisiénsia tuir padraun internasionál.

Read also:
SEREMÓNIA LANSAMENTU RELATÓRIO PROTESAUN SOSIÁL

“akordu entre nasaun rua ne’e sei fó espasu ne’ebé di’ak liu tan ba tékniku sira hodi kontinua servisu, liu-liu iha setór seguransa sosiál iha timor-leste”, katak Armanda Berta dos Santos.

Entertantu, Sekretária Estadu Seguransa Sosiál Portugal, Cláudia Joaquim hateten, assinatura akoordu ne’e signifikativu tebes ba ministériu traballu Solidariedade no Seguransa Sosiál atu bele apoiu malu iha setór importante sira hanesan kriasaun no konsolidasaun ba sistema seguransa sosiál iha Timor-Leste.

Kooperasaun ida ne’e sei forte liu tan no sei la para iha tinan 2022 maibé sei kontinua nafatin. Konférensia ne’ebé mak realiza ohin ho ninia importansia mak oinsá bele halo kriasaun no konsolidasaun ba sistema públiku Seguransa sosiál iha Timor-Leste, kontinua disponivél para bele transmite esperiensia portugal iha sistema públiku seguransa sosiál iha timor-leste no governantes sira bele konhese di’ak esperiensia hosi nasaun seluk, liu-liu Portugal hodi bele transmite no melhora di’ak liu tan sistema seguransa sosiál iha Timor-Leste, esplika Cláudia.

Read also:
MINISTRA ENTREGA SASAN EMERJÉNSIA BA VÍTIMA ...

Iha fatin hanesan Presidente Seguransa Sosiál, Longinhos Armando esplika, portugal iha sistema protesaun sosiál ne’ebé mak di’ak tebes, tamba ne’e mak bolu sira atu bele fahe sira nia esperiensia mai iha Timor-Leste, ohin governu Timor-Leste ho Portugal halo ona assina akordu ho ninia objetivu mak oinsá Portugal bele fó apoiu mai Timor-Leste, liu-liu kona-ba tékniku nian nomós kona-ba buat balun ne’ebé iha relasaun ho seguransa sosiál.

Ita mós husu ajuda ba portugal atu fó apoiu fundu rezerva seguransa sosiál ninian no governu portugal prontu atu azuda Timor-Leste hodi halo edifísiu seguransa sosiál i agora dadaun kona-ba sistema base dadus ne’ebé mak Timor-Leste uza portugal mak ajuda, dehan Longinhos.

Read also:
MINISTÉRIU SOLIDARIEDADE SOSIAL DEBATE LEI REJIME

Nune’e mós, Presidente Funsaun públika, Faustino Cardoso hateten, timor-Leste hahu implementa seguransa sosiál ne’e desde tinan 2012, liu hosi rejime transitóriu ida mai to’o iha 2016 wainhira ita tama iha rejime komprensivu kontributivu katak, funsionárius hotu-hotu iha obrigasaun atu bele partisipa iha rejime kontributivu ho maneira halo retensaun ba 4% ba sira nia saláriu ida-idak hodi nune’e bele antisipa wainhira tama idade reforma ninian.

Funsionárius ne’ebé 60 anos ba leten barak mak seidauk hato’o pedidu reforma hodi goza seguransa sosiál, tamba prinsipiu obrigatóriu ita nia lei la operasionaliza liu hosi artigu entaun difisil ba orgaun kompetente sira atu bele obriga ema hodi tama ba reforma atu goza seguransa sosiál. To’o agora dadaun ita iha ona 700 i tal pessoas ne’ebé mak goza ona rejime transitóriu ne’ebé 75% hosi salariu médiu nune’e mós hosi rejime seguransa sosiál kontributivu ne’e rasik, esplika Presidente Funsaun Públika.

Comments Closed

Comments are closed. You will not be able to post a comment in this post.