MSSI HAMUTUK HO ISS REALIZA SEMINÁRIU KONA-BA DEKRETU LEI NO 25/2017

Ministériu Solidariedade Sosiál no Inkluzaun-MSSI hamutuk ho Instituisaun Solidariedade Sosiál-ISS realiza semináriu ida kona-ba dekretu lei No 25/2017, Loron 26 de Jullu ne’ebé liga ho apoiu fundus ba ISS. Semináriu refere hala’o iha Fatin Servisu PHD-Hudi Laran-Díli, Loron Tersa-Feira (22/09/2020).

Programa ida ne’e hetan suporta husi Parseria ba dezenvolvimentu Humanu (PHD, sigla Inglés) no Unicef.

Iha semináriu ne’e, Diretór Jerál Solidariedade Sosiál no Inkluzaun, Rui Manuel Gago Exposto hateten, “ho semináriu ida ne’e MSSI hamutuk ho ISS bele partilla informasaun sira liga ho dekretu lei  No 25/2017, Loron 26 de Jullu kona-ba apoiu fundus ba ISS sira, ho oportunidade ida ne’e mós ita bele uza hodi ita koko atu rejistu ba ISS sira no ita bele sertifika katak ida ne’ebé mak merese atu simu apoiu fundus hodi bele implementa servisu sira ne’ebé mak ligadu ho programa MSSI nian”.

Agora dadaun MSSI iha ISS hamutuk 35 ne’ebé hamahon-an iha MSSI nia okos, ne’ebé durante ne’e hatutan servisu Ministériu nian.

Comment's