ENKONTRU BILATERAL

Vise-Ministra Solidariedade Sosiál no Inkluzaun, Signi Verdial diriji enkontru bilateral entre Timor-Leste ho Brazil no sei kontinua ho nasaun Korea, Indonesia inklui New Zealand. Enkontru refere sei la’o durante loron tolu (3) nia laran hahu iha Loron 02-04/07/2019 ne’ebé hala’o iha Edifísiu Ministériu Negosius Estrangeirus no Koperasaun, Pantai Kelapa-Díli, Loron Tersa-Feira, (02/07/2019).

Hafoin enkontru ho Embaxadór brazil iha Timor-Leste, Vise-Ministra Solidariedade Sosiál no Inkluzaun, Signi Verdial hateten, ohin ita halo enkontru bilateral ho ita nia duadores sira, ba ita nia parseirus dezenvolvimentu sira ho objetivu atu haree fila fali oinsá apoiu ne’ebé sira fó ba Timor-Leste atu nune’e bele aliña ba polítika no programa iha VIII Governu Konstitusionál, liu-liu liga ho prioridades governu nian iha tinan ha’at (4) nia laran.

Tuir ajenda iha loron tui mai sei kontinua hala’o diskusaun ho Parseirus Dezenvolvimentu hosi Nasaun Japaun, Portugal, ADB, UN Resident Cordinator no United State.