MINISTRA HALA’O ENKONTRU HO EMBAIXADORA NOVA

Ministra Solidariedade Sosiál no Inkluzaun, Armanda Berta dos Santos ho Embaxadora Nova Zelandia, Vicki Poole hala’o enkontru hodi ko’alia kona-ba servisus iha área sosiál nian, liu-liu kona-ba asuntus direitus labarik sira nian iha Timor-Leste. Enkontru refere hala’o iha Edifísiu Sentral MSSI-Kaikoli-Díli, Loron Tersa-Feira, (02/10/2018).

Hafoin enkontru, Ministra Solidariedade Sosiál no Inkluzaun, Armanda Berta dos Santos hateten, ohin enkontru ho embaxadora nova zelandia iha Timor-Leste hodi ko’alia kona-ba servisus sosiál nian, liu-liu kona-ba Direitus Labarik sira nian iha Timor-Leste, tanba iha VIII Governu konstitusionál, direitus labarik sai mós hanesan servisu MSSI nian no ba futuru oinsá bele servisu hamutuk ho Nova Zelandia no Ministériu relevante hanesan Ministériu Edukasaun para bele haree di’ak liu tan kona-ba direitus labarik sira nian.

Nune’e mós Embaxadora Nova Zelandia, Vicki Poole hateten, Iha enkontru ne’e ko’alia kona-ba direitus labarik, tanba iha Timor-Leste mós tau importansia maka’as ba direitus labarik sira nian no ba futuru oinsá governu rua ne’e bele suporta malu hodi haree labarik sira nia direitu liu hosi nutrisaun no edukasaun ne’ebé mak di’ak.

This post is also available in: English