MINISTRA HALA’O VIZITA BA KOMISAUN KOMBATE HIV-SIDA

Ministra Solidariedade Sosiál no Inkluzaun, Armanda Berta dos Santos, akompaña hosi Vise-Ministra, Signi Verdial hala’o vizita ba Komisaun Kombate HIV-SIDA. Vizita refere hala’o iha Pantai Kelapa, Loron Tersa-Feira, (02/09/2018).

Hafoin vizita, Ministra Solidariedade Sosiál no Inkluzaun, Armanda Berta dos Santos hateten, objetivu vizita ida ne’e atu bele haree direitamente servisus ne’ebé sira hala’o no rona obstaklus ne’ebé mak funsionárius sira enfrenta hodi nune’e ba oin oinsá mak bele hadia di’ak liu tan servisus ne’ebé mak iha.

Dehan Ministra, ba futuru sei servisu hamutuk ho Ministériu Saúde, Ministériu ESTATAL atu oinsá bele haree no servisu hamutuk hodi bele halo prevensaun ba moras HIV-SIDA.

Iha fatin hanesan, Komisariu Ezekutivu ba Komisaun Nasionál Kombate HIV-SIDA, Daniel Marçal hateten, esforsu ne’ebé komisaun hala’o durante ne’e mak oinsá halo prevensaun atu ema labele kona HIV no tau matan mós ba maluk sira ne’ebé oras ne’e moras ho HIV-SIDA iha Timor-Leste.

Komisariu realsa liu tan, Persiza haree sira no persiza buka apoiu hodi haree sira atu hotu-hotu bele moris normal hanesan ema seluk, nune’e bele partisipa iha dezenvolvimentu nasaun ida ne’e. Iha timor-leste, ita hetan ona moras HIV hamutuk 798 pessoas, mate hamutuk 96 pessoas. kausa hosi moras ne’e mak, ransu livre no seksu livre, katak Komisariu.

This post is also available in: Tetum