MINISTRU DEFESA JAPAUN TAU AIFUNAN IHA JARDIM

Relasiona ho vizita ofisiál Ministru Defesa Japaun, Gen Nakatani ho nia komitiva mai iha Timor-Leste, hala’o vizita mós ba Jardim Herois Metinaro, ne’ebé hetan akompañamentu hosi Vise Ministru Solidariedade Sosiál, Miguel Marques Gonçalves “Manetelu” no Presidente Komisaun Omenajen, Virgilio Smith hodi tau aifunan iha Jardim Herois Metinaro, asaun ne’e halo atu presta omenajen ba Asuwain Timor-Leste nian, ne’ebé mate durante luta ba ukun rasik-an.

Iha vizita ne’e, marka mós prezensa hosi Diretór Jeral Korporativu-MSS, Rui Manuel Gago Exposto, Diretór Nasionál Asuntus Combatentes Libertasaun Nasionál-DNACLN, Joaquim Carvalho de Araújo, Xefe Unidade Comunicasaun Sosiál i Protocolu-MSS, Jaime A. Hanjam. Vizita refere hala’o iha loron Kinta-Feira, (09/06/2016).

This post is also available in: Tetum