MSS ASINA KONTRATU HO KOMPAÑIA PARAMITA UNIPESSOAL

Atu atende vítima dezastres ne’ebé foin lalais akontese iha Timor-Leste, Ministériu Solidariedade Sosiál (MSS) halo ona kontratu ho kompañia Paramita Unipessoal LDA hodi fornese sasán Non Food Item ho totál orsamentu hamutuk U$. 225.842,50. Asina kontratu ne’e hala’o iha fatin servisu Ministra, loron Tersa-Feira…

Relasiona ho kontratu ne’e, Xefe Departamentu Aprovizionamentu, Pascoal Couto de Jesus hateten, asina kontratu ida ne’e ba fornesimentu non food itemne’ebé mak atu fornese ba vítima dezastres sira. Prosesu kontratu ba konkursu ida ne’e naruk tanba tenke liu hosi tender i ekipa halo avaliasaun, no ikus mai halo kontratu ba kompañia Paramita mak sai hanesan vensedór iha prosesu ida ne’e.

Pascoal reaIsa liu tan, iha kompañia hamutuk 17 ne’ebé iha interese ba konkursu ida ne’e, i ikus mai kompañia 11 mak submete sira nia proposta no kompañia nasionál ne’ebé mak involve iha tender ida ne’e. Kompañia hirak ne’e, hanesan kompañia nasionál i tender ida ne’e mós ita fó duni ba kompañia nasionál sira no ekipa hosi MSS halo avaliasaun i ekipa haree nomos rekomenda katak kompañia Paramita mak diak liu hodi manan iha tender ida ne’e. Tanba ne’e, hatutan Pascoal, ohin halo asina kontratu entre MSS ho kompañia Paramita Unipessoal LDA atu fornese ona sasán hirak ne’e iha tempo badak atu MSS bele atende Vítima dezastres ne’ebé mak hosi Diresaun Nasionál Gestaun Dezastres (DNGD) rejistu ona.

Montante orsamentu ba kontratu ida ne’e hamutuk US. 225.842,50 ho nia diskrisaun sasán mak hanesan Sanan Aluminium 2,245 units, Jerry Cans 2,305 units, Bikan Plastik 3,200 Duzia, Gayung Plastik 1,205 units, Kopu Plastik 250 Duzia, Kanuru Besi 150 Duzia, Toalha kiik 450 Pack, Biti Plastik 250 Saku, Sabonete Lifebuoy 275 Caixa, Soklin 350 Caixa, Lipa 200 Duzia, Moskiteiro boot 350 Unit, Manta 500 Unit, Bascia Plastik 1,500 Unit nomos Lona 8000 Unit.

Iha asina kontratu ne’e, Ministra MSS, Dra. Isabel A. Guterres no Direitor Geral (DG), Eugénio João Amado de Maria Soares i asisti mós Xefe Gabinete Ministra no Assesor Ministra