MSSI HALA’O SELEBRASAUN ASINA AKORDU HO ISS

Ministériu Solidariedade Sosiál no Inkluzaun-MSSI hala’o selebrasaun asina akordu ho Instituisoens Solidariedade Sosiál-ISS hamutuk 32 instituisoens ho ninia total orsamentu $. 1 miliaun ital. orsamentu hirak ne’e ISS sei ezekuta tuir programa ne’ebé trasa ona hodi bele hatutan servisu MSSI nian ba iha komunidade, liu-liu ba benefisiárius sira. Selebrasaun asina akordu ne’e hala’o iha edifísiu sentral MSSI-Kaikoli-Díli, Loron Segunda-Feira, (29/10/2018).

Hafoin selebrasaun asina akordu ne’e, Ministra MSSI, Armanda Berta dos Santos hato’o ba ISS sira atu bele ezekuta orsamentu hirak ne’e ho di’ak hodi tau matan ba kbi’it la’ek sira.

Partisipa iha selebrasaun refere mak hanesan, Vise-Ministra MSSI, Signi Verdial, Presidente PDHJ, Silveiro Pinto Baptisita, Diretór Jerál Protesaun Solidariedade Sosiál, Eugénio João A. de M. Soares, Diretór GIA-MSSI, Júlio Alves Ribeiro, Diretóres Nasionais no Xefes Departamentus inklui Representante hosi ISS.