Ministériu Solidariedade Sosiál-MSS, liu hosi Diresaun Nasionál Dezenvolvimentu Sosiál-DNDS hala’o asina akordu ho Instituisaun Solidariedade Sosiál-ISS hamutuk 27 ne’ebé sai ona hanesan parseirus MSS hodi bele hatutan no implementa nafatin servisu MSS nian, seremónia asina akordu ne’e hala’o iha sala enkontru Edifísiu Sentral MSS-Kaikoli-Dili, Loron Segunda-Feira, (23/04/2018). Read more

Ministériu Dezenvolvimentu no Reforma Institusionál hala’o apresentasaun rezultadu diagnóstika nasionál ba Ministériu Solidariedade Sosiál-MSS, ne’ebé hala’o ona iha V Governu Konstitusionál, objetivu diagnóstika ne’e mak atu bele hatene Ministériu nia progresu servisu, dezafius no oinsá bele hadia di’ak liu tan servisu Ministériu nian iha futuru. Apresentasaun rezultadu diagnóstika refere hala’o iha Sala Enkontru Edifísiu Sentral MSS Kaikoli-Dili, Loron Kinta-Feira, (12/04/2018). Read more

Bazeia ba dekretu Presidente Repúblika No. 9/2018, 04 Abril, Estadu Timor-Leste rekonhese no fó hómenagem ikus ba lutadór Saudosu Natalino Soares ne’ebé mate iha Hospital Guido Valadares iha Loron 31 Fulan Marsu 2018, hodi halot mate isin iha Jardim Herois Munisipíu Liquiça, ne’ebé ho marsa Militar kompostu hosi F-FDTL no PNTL. Seremónia refere hala’o iha loron Kuarta-Feira, (04/04/2018). Read more

Eis Governador General Nova Zelândia, Jerry Mateparae hala’o vizita ba Jardim Dos Herois Metinaro. Objetivu hosi vizita ne’e hodi tau aifunan no fó omenajen ba Asuwain Timor-Leste ne’ebé mate durante luta ba ukun rasik-an, vizita ne’e hetan akompaña hosi Ministra Solidariedade Sosiál, Dra. Isabel Amaral Guterres, Diretór Nasionál Asuntus Kombatentes Libertasaun Nasionál, Joaquim Carvalho de Araújo, Xefes Departamentus inklui Funsionárius balun hosi Ministériu Solidariedade Sosiál-MSS. Vizita refere hala’o iha Loron Sexta-Feira, (17/03/2017). Read more

Ministériu Solidariedade Sosiál-MSS, liu hosi Diresaun Nasionál Dezenvolvimentu Sosiál-DNDS hamutuk ho Parseiru United Nations Childrens Fund-UNICEF hala’o serimónia asinatura Planu Asaun Anual-PAA ba Tinan 2018-2019, ne’ebé asina hosi Ministra Solidariedade Sosiál, Sra. Florentina Smith no Reprezentante UNICEF iha Timor-Leste, Sra. Valérie Taton. Seremónia refere halaó iha sala enkontru Edifísiu Sentrál MSS Kaikoli-Dili, Loron Tersa-Feira, (27/02/2018). Read more

Relasiona ho preparasaun ba selebrasaun loron Veteranus ba dahuluk nian, Sekretáriu Estadu Asuntus Veteranus, Sr. Andre da Costa Belo “L4” hateten, iha selebrasaun loron veteranus nian, ne’ebé monu iha dia 03 Marsu 2018, sei konvida reprezentante veteranus sira hosi Munisipius hotu-hotu, Veteranus hosi nasoins viziñus, nomós nasaun ne’ebé fó apoiu durante funu nia laran, organizasoins sira, Universidade, tanba ne’e husu ba komunidade Veternus sira iha Timor-Leste, ho kontente hodi selebra loron veteranus ida ne’e. Sei iha mós palestra ne’ebé sei kóalia rasik hosi lider istóriku sira, liu-liu ko’alia kona-ba istória funu no futuru ba komunidade veteranus nian iha Timor-Leste. SE. Asuntus Veteranus kasu lia ne’e interview eskluzivu ho Radio Televizaun Timor-Leste, ne’ebé hala’o iha edifisiu sentrál MSS Kaikoli-Díli, loron Segunda Feira (26/02/2018). Read more

Iha semana ne’e, anin boot ne’ebé akontese kuaze iha teritóriu timor laran tomak no rezulta sobu komunidade sira nia uma, ho nune’e, Ministériu Solidariedade Sosiál-MSS, Diresaun Risku Dezastre Naturais, liu hosi Sentru Solidariedade Sosiál Munisípiu Liquiça-SSSML, fó ona apoiu sasan emerjénsia ba uma kain 56 ne’ebé konsidera hanesan vítima dezastres naturais iha Munísipiu Liquiça, kompostu hosi, Postu Administrativu Maubara, Bazartete no Liquiça Vila, iha Loron, Kinta-Feira, (01/02/2018). Read more