Iha semana ne’e, anin boot ne’ebé akontese kuaze iha teritóriu timor laran tomak no rezulta sobu komunidade sira nia uma, ho nune’e, Ministériu Solidariedade Sosiál-MSS, Diresaun Risku Dezastre Naturais, liu hosi Sentru Solidariedade Sosiál Munisípiu Liquiça-SSSML, fó ona apoiu sasan emerjénsia ba uma kain 56 ne’ebé konsidera hanesan vítima dezastres naturais iha Munísipiu Liquiça, kompostu hosi, Postu Administrativu Maubara, Bazartete no Liquiça Vila, iha Loron, Kinta-Feira, (01/02/2018). Read more

Ministra Solidariedade Sosial Dra. Florentina da Conceição Pereira Martins Smith hala’o monitorizasaun no inagurasaun ba projeitu balun hosi projetu korredór dezenvolvimentu Estrada Dili-Ainaro, ne’ebé halo ona investimentu hamutuk entre Governu Timor-Leste ho Banku Mundial, ho objetivu atu atualiza infraestruturas estrada ne’ebé liga Dili kapitál ba Munisípiu Ainaro. Atividades ne’e realiza hahú husi Dili, Ermera, Aileu, Ainaro no remata iha Munisípiu Manufahi, iha loron 22 to’o loron 26 Janeiru 2018. Read more

Ministra Solidariedade Sosiál, Dra. Florentina Smith ho Sekretáriu Estadu Veteranus, Sr. Andre da Costa Belo hala’o sorumutuk ho Prezidente Komisaun Omenajen, Sr. Virgilio Smith hodi ko’alia kona-ba dadus ne’ebé rejistu iha tinan 2003-2005, atu finaliza no oinsá bele verifika i prosesa dadus tinan 2009 nian, atu nune’e bele dignifika no valoriza veteranus sira hotu ne’ebé rejistu ona, maibé to’o agora seidauk hetan nia direitu. Enkontru refere hala’o iha Edifísiu Sentrál MSS-Kaikoli-Dili, iha Loron Kinta-Feira, (18/01/2018). Read more

Ministériu Solidariedade Sosiál-MSS hamutuk ho Ministériu Justisa-MJ realiza tan Natal ba datoluk ho prizioneirus iha Suai-Covalima, Loron Kinta-Feira, (28/12/2017). Hosi dadus ne’ebé mak iha prizaun refere, atuál akumula prizioneirus hamutuk ema na’in 24 (mane hotu). Atividade ne’e realiza, tamba servisu hamutuk entre Ministériu Solidariedade Sosiál ho Ministériu Justisa inklui Servisu Prijonais. Read more

Depois Natál hamutuk iha Prizaun-Becora, Ministra Solidariedade Sosiál, Florentina Smith, Vise Ministru Justisa, Sebastião Dias Ximenes no Sekretáriu Estadu Juventude i Traballu, Nivio Leite Magalhães kontinua hala’o Natal hamutuk ho Prizoneirus-Gleno, inklui guarda prizonais hodi enkoraja no fó ksolok Natal-2017 no tinan foun 2018. Atividade refere hala’o iha Munisípiu Ermera-Gleno, Loron Sexta Feira, (22/12/2017). Read more

Ministra Solidairedade Sosiál, Dra. Florentina Smith akompaña hosi Diretór Nasionál Dezenvolvimentu Sosiál-DNDS, Florençio Pina Dias Gonzaga ho komitiva tomak hala’o vizita ba Sentru Solidairedade Sosiál Munisípiu Viqueque-SSSMV no Instituisaun Solidairedade Sosiál-ISS ne’ebé ejiste iha Munisípiu Viqueque, hanesan Uma Mahon Paz Knua Haberan Komunidade-KHC, Kolegio St. Francisco de Assis, Kolegio Ossu-Sta. Bhakita no Kolegio Sto. Lucas. Atividade ne’e hala’o durante loron rua, hahú hosi loron Sexta-Feira-Sábadu, iha Munisípiu Viqueque (08-09/12/2017). Read more

Ministra Solidariedade Sosiál, Dra. Florentina Smith, hala’o enkontru ho Ministru Administrasaun Estatal, Dr. Valentino Ximenes, hodi ko’alia kona-ba preparasaun ba selebrasaun loron Herois Nasionál ne’ebé Governu sei organiza atividades balun mak hanesan kompetisaun múzika, dansas tradisionais no festa populár. Atividade hirak ne’e sei realiza hahú hosi loron 28-31 Dezembru 2017. Enkontru ne’e hala’o iha Edifísiu Sentrál MSS-Kaikoli-Dili, loron Tersa-Feira, (05/12/2017). Read more