Tinan ida ne’e Timor-Leste Selebra Loron Proklamasaun Independênsia 28 Novembru ba dala 42 iha Munisípiu Kovalima, ne’ebé diriji hosi Prezidente Repúblika, Francisco Guterres “Lú-Olo” no partisipa hosi Prezidente Parlamentu Nasionál, Aniceto Guterres, Prezidente Tribunal Rekursu, Deolindo dos Santos, Primeiru Ministru, Mari Alkatiri, Membrus Governu, Membrus Parlamentu, PNTL, F-FDTL, Sosiedade Sivil, Autoridade Lokal nomós Komunidade Munisípiu Kovalima. Seremónia refere hala’o iha Kamanasa-Suai, loron Tersa-Feira (28/11/2017). Read more

Ministra Solidariedade Sosiál, Dra. Florentina da Conceição Pereira Martins Smith, akompaña hosi Diretór Jerál Servisus Corporativos, Rui Manuel Gago Exposto, kontinua hala’o vizita traballu ba Centro Nacional Reabilitação (CNR), ne’ebé hala’o servisu iha área defisientes. Vizita ne’ebé hala’o iha Loron Segunda-Feira, (13/11/2017) ne’e, ho nia intensaun atu haree besik liu programa no atividades ne’ebé durante ne’e CNR implementa. Read more

Ministra Solidariedade Sosiál, Dra. Florentina Smith, hamutuk ho Diretór Diresaun Nasionál Dezenvolvimentu Sosiál-DNDS no Prezidente Autoridade Munisípiu Baucau, Xefe Sukus, Xefe Aldeias, inklui komunidades, realiza diálogu ne’ebé foka liu-ba atendimentu no servisus Ministériu Solidariedade Sosiál-MSS nian. Diálogu ne’e hala’o iha Suku Devawasi, Postu Administrativu Baguia, Munisípiu Baucau, loron Sesta-Feira (27/10/2017). Read more

Atu asegura estabilidade no meiu ambiente iha munisípiu nia laran, populasaun munisípiu Aileu, hamutuk suku 33 realiza Tarabandu alargada ida ne’ebé hala’o iha Aiserimou, Loron Terça-Feira, (24/10/2017). Atividade Tarabandu refere organiza hosi Administrasaun Munisípiu Aileu, servisu hamutuk ho Ministériu Solidariedade Sosiál, liu-liu Diresaun Nasionál Dezenvolvimentu Sosiál, Ministériu Defeza no Seguransa, The Asia Foundation, inklui World Vision. Read more

Ministra Ministériu Solidariedade Sosiál (MSS), Dra. Florentina da Conceição Pereira Martins Smith hala’o sorumutu alargada ho Ministru Planu no Finansas (MPF), Dr. Rui Agosto Gomes,1 hodi kontinua halo diskusaun tuir kalendáriu ne’ebé mak iha ona, atu haree oinsá implementa programa rejime kontributivu seguransa sosial nian. Programa ne’e sai mós prioridade Governu tuir Dekretu Lei no 20/2015. Enkontru ne’e hala’o iha Salaun MSS Kaikoli-Dili, Kuarta Feira (11/10/2017). Read more

Komisaun Funsaun Públiku hala’o sondajen ba Ministériu Solidariedade Sosiál hanesan primeira pilotu ba desiminsaun kona-ba rezultadu sondajen ne’ebé mak Komisaun Funsaun Públika hala’o kona-ba persepsaun públiku ou dezempeño funsaun públiku ninian, ne’ebé hala’o iha salaun Ministériu Solidariedade Sosiál (MSS), Kaikoli-Dili, Loron Kinta-Feira, (05/10/2017). Read more

Ministra Solidariedade Sosiál, Dra. Florentina da Conceicão Pereira Martins Smith, Diriji Seremónia hasa’e Bandeira ba dahuluk iha VII Governu Konstitusionál, ne’ebé hala’o iha Resintu MSS-Kaikoli-Dili, Loron Segunda-Feira, (02/10/2017). Iha isar bandeira ne’e, partisipa hosi Diretores Jerais, Diretores Nasionais, Xefes Departamentu, Assesores inklui Funsionárius MSS. Read more