MINISTRA MSSI PRESIDE SEREMÓNIA 28 NOVEMBRU IHA …

Ministra MSSI, Armanda Berta dos Santos Preside Seremónia Hasa’e Bandeira hodi Komemora Loron Proklamasaun 28 Novembru ba dala 43 ne’ebé hala’o iha Munisípiu Ainaro Villa, Loron Kuarta-Feira, (28/11/2018).

Iha seremónia refere Ministra MSSI, Armanda Berta dos Santos hato’o diskursu Presidente Repúblika Demokrátika Timor-Leste nian ba povu Ainaro katak Atu hametin demokrasia ita presija iha Instituisoens ho kualidade. Instituisoens ho kualidade Ezije lideres no membru responsaveis. Hori uluk, tamba kondisaun luta mak ezije, ita iha Komandu úniku, ita iha poder sentralizadu no ita iha lideransa máxima. Ohin loron ita tenki moris ho realidade foun ne’ebé restaurasaun independénsia lori mai ita, ohin ita moris ho ambiente pluripartidáriu katak ho partidu oin oin ho hanoin la hanesan, hanoin ketak-ketak hariku ita idak idak no ita hotu hotu, nune’e ita tenke hatene rona malu atu hadia ita nia matenek koletivu no servi Povu ho di’ak.

Read also:
POPULASAUN MANLEUANA AFETADU HOSI INUNDASAUN

husu ba Governu atu aloka osan ne’ebé naton ba produsaun agríkola hodi estimula ita nia ekonómia naun-petrolíferu no garante seguransa alimentar. Tenke tau osan mós ba turismu nu’udar fontes reseitas ba ita nia rain. Liu hosi investimentu iha agrikultura no turismu, ita halo diversifikasaun ekonómika no bele hamenus dezempregu, problema dezempregu afeta maioria populasaun no maioria mak ita nia joven sira, rihun ba rihun sai ba rai liur tamba la hetan servisu iha rai laran, estadu iha dever para diversifika ekonómia hodi kria empregu no hamenus kiak, Ita nia demokrasia la bele buras enkuantu maioria povu moris kiak no mukit. Iha diskursu ne’e mós Presidente hato’o katak ohin loron eskola barak mak monu daudaun, janelas, odamatan no didin lolon naksobu, karteiras no kadeiras sei falta ba labarik sira atu tuur, meja la di’ak ba professor sira, no sira la’o dook hosi uma ba eskola, be’e moos la iha, sentina intupidu, no eskola balun la iha, biar orsamentu aprova ona hosi deputadu sira.

Read also:
MINISTRA MSS REALIZA REUNIAUN HO FUNSIONÁRIUS

Depois seremónia hasa’e bandeira Nasionál Ministra MSSI ho nia Komitiva hamutuk ho Autoridade lokal, Veteranos, Relijiosa, Polísia, F-FDTL, Estudantes no Komunidade Musípiu Ainaro ba tau aifunan iha jardim herois Munisípiu Ainaro no fatin akontesimentu forsas Indonesia oho no so’e timor oan sira iha Jakarta dua iha Aildeia Builaco, Suku Ainaro, Munisípiu Ainaro.

Comments Closed

Comments are closed. You will not be able to post a comment in this post.