Ministra MSSI Dra. Armanda Berta dos Santos Hala’o Abertura Ba Semináriu Kona-ba Esbosu Mata Dalan Implementasaun Rekollamentu No Prosesamentu Dadus

SEMINÁRIU BA MATA DALAN IMPLEMENTASAUN REKOLLAMENTU NO PROSESAMENTU DADUS

Ministra Solidariedade Sosiál no Inkluzaun, Armanda Berta dos Santos hala’o abertura ba semináriu kona-ba esbosu mata dalan Implementasaun Rekollamentu no Prosesamentu Dadus no Rekursu Potensiál Sira Ne’ebé Eziste Iha Komunidade, semináriu refere organiza hosi Gabinete Estudus Planeamentu no Dezenvolvimentu Institusionál MSSI, ne’ebé hala’o iha Salaun Edifísiu Sentral MSSI-Kaikoli-Díli, Loron Tersa-Feira to’o Kuarta-Feira, (15-16/10/2019).

Problema moris di’ak ba povu Timor-Leste sai nafatin preokupasaun ba ema hotu, tamba ne’e Governu iha responsabilidade atu buka meius hotu hodi hadia situasaun moris ne’ebé mak di’ak ba povu timor-Leste. Ho mata dalan ida ne’e hanesan guia ida hodi orienta prosesu rekollamentu no prosesamentu dadus.

Read also:
MSSI Fo Treinamento Ba Joven Nain 30 Iha Municipio Ermera

Sira ne’ebé kategoria ema ho problema moris di’ak sosiál no sai tarjetu ba rekollamentu dadus ida ne’e mak hanesan, labarik risku no perigu, adosaun labarik, labarik ne’ebé ho puder paternal, labarik nakar, labarik konflitu ho lei, ema tane liman hodi husu ezmola, ema ne’ebé moris lemo-lemo, konsumidór droga, vítima violénsia bazeia ba jéneru no violénsia doméstika, ema ho defisiénsia no moras krónika, eis prizioneiru, ferik katuas abandonadu, feto risku sósio ekonómiku, família kiak liu, família ho uma la iha kondisaun atu hela, vítima dezastre naturál, labarik ne’ebé hala’o moris iha dalan, lésbika, gay, biseksual, transseksuál no transjéneru nomós labarik órfaun.

Read also:
Timor-Leste Ho Portugal Assina Akordu Kooperasaun

Iha oportunidade ida ne’e Ministra Solidariedade Sosiál no Inkluzaun, Armanda Berta dos Santos hateten, hosi mata dalan ida ne’e bele fasilita tékniku sira atu bele hala’o servisu atendimentu ba komunidade ho di’ak liu tan. Dehan Ministra, nesesidade povu nian sempre evolui, tamba ne’e presiza hadia buat balun nune’e bele fó resposta di’ak liu tan ba komunidade sira nia preokupasoens.

“Nuda’ar servidór estadu iha responsabilidade atu responde ba ita nia komunidade sira nia preokupasoens, liu-liu liga ho moris di’ak ba povu”, dehan Ministra MSSI.

Ministra mós husu ba Diretores Nasionais no rejionais atu hala’o diskusaun ida ho kle’an hodi tau hanoin hamutuk nune’e bele produz mata dalan ida ne’ebé mak di’ak no bele implementa iha tinan 2020.

Read also:
Esposa Presidente Repúblika, Cidalia Lopes Nobre Mouzinho Guterres hala’o vizita ba uma Mahon Lospalos

Entertantu, Xefe Gabinete Estudus Planeamentu no Dezenvolvimentu Institusionál MSSI, Gil da Cruz hateten, ita bele produz mata dalan ida ne’ebé mak di’ak atu orienta ita hotu hosi nasionál to’o iha munisípiu hodi bele asegura katak servisu hotu-hotu bele la’o tuir padraun ida ne’ebé mak orienta ita, ho mata dalan ida ne’e mós mak sai hanesan sasukat no instrumentu ida atu bele foti desizaun polítika nomós uza halo planu estratéjiku ba Ministériu Solidariedade Sosiál nian iha futuru.

Comments Closed

Comments are closed. You will not be able to post a comment in this post.