OJE 2018 BA MSSI APROVADU HOSI PN

Liu hosi debate naruk, ikus, iha loron Kuarta-Feira, (05/09/2018), Orsamentu Jerál Estadu-OJE (VIII Governu Konstitusional) ba Ministériu Solidariedade Sosiál no Inkluzaun-MSSI hetan aprovasaun hosi Parlamentu Nasionál-PN.

MSSI iha debate ne’e lidera diretamente hosi Ministra Solidariedade Sosiál no Inkluzaun, Armanda Berta dos Santos, ne’ebé akompaña hosi Vise-Ministra MSSI, Signi Verdial.

OJE refere aprovadu ho montante, 52,232 miloens dollares Amérikanu ne’ebé kompostu hosi Salárius e Vensimentus 1,744 miloens, Bens Servisus 2,357 miloens, Transferénsias Publikas 48,131 miloens, Kapitál Menór no Kapital Dezenvolvimentu mak laiha.

Maske OJE ne’e hetan duni aprovasaun, maibé iha membru Parlamentu Nasionál balun hato’o mós perguntas no sujestaun, relasiona ho problema area sosiál nia mak hanesan Idozus-Inválidus, alokasaun orsamentu iha bens servisu no outras despesas maibe ho ejijénsia hirak ne’e Ministra responde kedas hodi mantein orsamentu MSSI nia iha Parlamentu Nasionál ikus mai hetan aprovadu ho rezultadu votasaun, Afavor : 41, Abstensaun : 18 no Kontra : 0.

This post is also available in: English