DIRETÓRES NASIONAIS

Diretóra Nasionál Administrasaun & Rekursu Humanu

Diretór Nasionál Asisténsia Sosiál

Diretór Nasionál Asuntu Kombatente Libertasaun Nasionál

Joaquim Carvalho de Araujo

Moris iha postu administrativu Remexio, 15 Agostu 1961. Tama eskola iha Eskola Primária Remexio, tinan 1965, no kontinua ba Ciclo Prepatório iha área Agrícula tinan 1971 to’o 1974.

Esperiénsia servisu hahú sai hanesan Sekretáriu CNRT Distritu iha tinan 1999, sai Koordenadór Registu dos CLN iha Gabinete Prezidente RDTL tinan 2003. Iha tinan 2006 servisu hanesan funsionáriu iha Ministériu Traballu Solidariedade. Iha tinan 2008 hetan fiar hodi sai hanesan Xefe Departamentu Pensoins Combatente Libertasaun Nasionál (CLN). No ikus, iha tinan 2013, hetan tan fiar hodi asumi kargu hanesan Diretór Nasionál Asuntu Kombatente Libertasaun Nasionál no dadaun ne’e, tinan 2016, iha VI Governu Konstitusionál hetan konfiansa nafatin hodi kontinua nia servisu nudar Diretór Nasionál Asuntu Kombatentes Libertasaun Nasionál.

Diretór Nasionál Finansas, Aprovizionamentu no Lojístika

Diretór Nasionál Gestaun Risku Dezastres

DIRETÓR NASIONÁL JESTAUN RISKU DEZASTRE

Alvaro Silva de Jesus

Moris iha Hata-udo-Ainaro, iha loron 12 Setembru 1969. Tama eskola primária iha SDN Hata-udo, tinan 1980. Eskola Pré-Sekundária hasai iha SMP I Same tinan 1988, no kontinua eskola Sekundária iha SMEAN-Same. Hafoin remata sekundária, iha tinan 1991, kontinua estudu iha Institut Pastoral Indonesia(IPI) Dili no Malang, iha tinan 1991-1994. No iha tinan 1996 kontinua tan estudu hodi hasai lisensiatura ihaSekolah Tinggi Keguruan & Ilmu Pendidikan (STKIP)-Flores.

Esperiénsia servisu hahú kedas iha tempu okupasaun, hodi sai hanesan profesór iha eskola prmária Payol-Dili, iha tinan 1991, profesór ba eskola SMPK Hati Kudus, no iha tinan 1998 hanorin iha SMPK I Ruteng, Flores-Indonesia.

Iha era Ukun Rasik-An, Diretór ne’ebé mós eis-Frater Franciscano ne’e, haknaar iha MSS, ne’ebé ikus hetan fiar hodi sai Xefe Departamentu Administrasaun no Rekursus Umanus, Xefe Sentru Rejionál Maliana, iha tinan 2013, hetan tan fiar hodi sai Diretór Sentru Rejionál Maliana no iha tinan 2016, VI Governu Konstitusionál kontinua fó fiar hodi asumi kargu foun nudar Diretór Nasionál ba Gestaun Risku Dezastre.

Diretór Nasionál Dezenvolvimentu Sosiál

DIRETÓR NASIONÁL DEZENVOLVIMENTU SOSIÁL

Florencio Pina Dias Gonzaga

Moris iha Lore-Distritu Lospalos, iha loron 12 Novembru 1973. Hahú eskola iha tinan 1983, iha eskola primária SDN I Lospalos, pré-sekundária SMPN II Lospalos no sekundária iha SMAN Lospalos. Lisensiatura (S1) hasai iha Sekolah Tinggi Kesejahteraan Sosial (STKS) Bandung-Indonesia ho prestasaun ida di’ak ho predikadu Cum Laude.

Karreira profesionál hahú iha tinan 2002 to’o 2008 hodi sai funsionáriu MTRC ne’ebé agora MSS, iha seksaun Apoiu Tribunal no Prizaun, no mós seksaun Justisa Juveníl. Seluk hosi ne’e, sai mós hanesan Pontu Fokál Tráfiku Umanu MSS.

Iha tinan 2008, Militante RENETIL ne’e hetan fiar hodi kaer kargu nu’udar Xefe Departamentu Protesaun no Asisténsia Sosiál Labarik. Tanba prestasaun servisu, MSS fó fiar tan hodi asumi responsabilidade hanesan Diretór Sentru Distritál Solidariedade Sosiál-Distritu Dili.

Atu hasa’e kapasidade pesoál, Diretór ne’e partisipa iha reunioins no seminárius lubuk ida, tantu Nasionál no mós Internasionál, liu-liu asuntus ne’ebé relasiona ho servisus ba protesaun labarik, tinan 2016, iha VI Governu Konstitusionál hetan tan fiar hodi asumi kargu nudar Diretór Nasionál Dezenvolvimentu Sosiál-DNDS.

Diretóra Nasionál Rejime Kontributivu Seguransa Sosiál

Leoneto Vicente F.C. Pereira

Diretóra ne’e moris iha Dili, loron 15 fulan Fevereiru 1969. Hahú tama eskola iha eskola Primária-SDN 1–Dili tinan 1982, Pré-Sekundáriu-SMP 1 Dili no sekundáriu-SMAN 1 Dili. Iha tinan 2008, hasai lisensiatura iha área ekonomia, Departamentu Jestaun Universidade Dili (UNDIL).

Servisu hanesan funsionáriu públiku Diretora ne’e hahú ona iha tempu Indonesia, ho knaar hanesan kuadru permanente Dinas Kehutanan TK.I Timor-Timur, tinan 1991-1992, no sai Tezoreira tinan 1992 to’o1999. Iha tempu Ukun-An, kontinua servisu hanesan funsionáriu públiku iha Ministériu Solidariedade Sosiál, ho knaar hanesan Tezoreira no ikus nomeia hanesan Diretora DNSS. Iha tinan 2013 asumi responsabilidade hanesan Diretora ba Diresaun Rejime Kontributivu Seguransa Sosiál no dadaun ne’e, iha VI Governu Konstitusionál hetan tan fiar hodi kontinua asumi kargu responsabilidade hanesan Diretóra Nasionál ba Diresaun Rejime Kontributivu Seguransa Sosiál.

Diretór Nasionál Rejime Naun Kontributivu Seguransa Sosiál

DIRETÓR NASIONÁL REJIME NAUN KONTRIBUTIVU SEGURANSA SOSIAL

Leoneto Vicente F.C. Pereira

Moris iha Dili, iha loron 29 Jullu 1972. Hahú eskola primária iha Dili, tinan 1981, Pré-Sekundária Dom Bosco Fatumaca, tinan 1987, eskola sekundária São José Balide. Kontinua hasai lisensiatura iha área Direitu Internasionál iha Universidade Nasionál Timor-Lorosa’e (UNTL).

Kareira profesionál hahú hosi servisu iha Sekretária Estadu Traballu i Solidariedade, ho nia knaar hanesan Koordenadór ba Apoiu Distritus. Hafoin ida ne’e, iha tinan 2008, asumi funsaun hanesan Xefe Departamentu Rejime Naun Kontributivu, no, iha tinan 2013, nomea hodi sai hanesan Diretór Nasonál Rejime Naun Kontributivu Seguransa Sosiál, ikus iha tinan 2016, hetan tan fiar hodi kontinua asumi kargu nudar Diretór Nasonál Rejime Naun Kontributivu Seguransa Sosiál.

This post is also available in: Portuguese Tetum