MSSI HALOT TAN BEBÉ IDA IHA SEMITÉRIU BECUSSE KRAIK

Ema  inresponsabilidade ne’ebé so’e bebé ida iha mota Ailok Laran, iha Loron Kuarta-Feira (26/08/2020), ne’ebé Polisia Forensik foti ho kondisaun mate hodi lori ba tau iha Mortuáriu Hospital Nasionál Guido Valadares, ikus mai, Ministériu Solidariedade Sosiál no Inkluzaun-MSSI koopera hamutuk ho  Polisia Forensik no Ministériu Saúde hodi hala’o seremónia fúnebre iha Semitériu Becusse Kraik. Seremónia refere hala’o iha Loron Tersa-Feira (01/09/2020).   

Total matebian ne’ebé durante ne’e MSSI halot ona mak ema nain 29, kompostu husi  ema bo’ot nain 7 no labarik ki’ik ema nain 22.

Hafoin seremónia fúnebre, Xefe Departamentu Apoiu Funerário, Fidelis Mesquita Araújo hateten,  MSSI halot mate isin bebé ida ne’e, tanba haree ba mate-bian  ne’ebé so’e husi inan no aman (ne’ebé inresponsabilidade-red) ita kategoriza hanesan mate deskoñesidu, ho nune’e, governu sai hanesan responsabilidade ba iha bebé atu bele halot ho dignu, atravez ho situasaun hirak ne’e, governu fó apoiu orsamentu oituan ba bebé ninia seremónia fúnebre.

Ita iha koordenasaun ne’ebé di’ak tebes ho parte Polisia Forensik no Ministériu Saúde, atu bele halot mate isin ne’ebé so’e hosi bebé nia inan aman hodi halot ho di’ak no dignu, dehan Fidelis.

Comment's