SERVISU ATENDIMENTU SOSIÁL CSSM BAUCAU

Centru Solidariedade Sosiál Munisipiu Baucau-CSSMB, estabelese ho nia papél atu halo atendimentu sosiál iha Munisipiu, hanesan ain no liman Ministériu Solidariedade Sosiál no Inkluzaun-MSSI nian iha baze. Refere ba servisu ne’ebé mak iha, Diresaun Munisípiu implementa ona programa hanesan asuntu asisténsia sosiál. Atu haree besik liu implementasaun programa MSSI iha Diresaun refere, iha loron Tersa-Feira (20/10/2020), Média MSSI rekolla informasaun hanesan meius ida atu bele hatene rezultadu servisu ne’ebé Diresaun Munisípiu halo.

Relasiona ho implementasaun programa MSSI iha Munisípiu, Diretór CSSM Baucau, Guido Ricardo Belo hato’o, pilares dezenvolvimentu área servisu sosiál ne’e kompostu husi governu rasik inklui mós partisipasaun sosiedade sivil no konseitu servisu sosiál hanesan asisténsia sosiál ne’e direitu sidadaun ida entaun obrigasoes deveres estadu nia politika sempre fo asisténsia ba ema hotu-hotu.

Diretór ne’e esplika liu tan, alvus husi asisténsia sosiál ne’e hanesan pesoal ou grupu sai vulneravel ne’e responsavel Ministériu, sosiedade no setor privadu sira ba feto no labarik, ema ho defisiensia sira ho tipus oi-oin no ba familia kbi’it laek sira inklui mós kasus-kasus violénsia domestika no protesaun labarik sira sai hanesan alvus atendimentu sosiál.

Diretór hateten, ita iha parseria no sosiedade sivil halo kontratasaun ho MSSI atu fornese asisténsia sosiál ba kbi’it laek ne’ebé iha no  meus oinsa atu  rekolla dadus sira ne’e mai husi pedidu komunitaria liu husi autoriedade suku, kolejiu no orfonatos.

Diretór hateten tan, formas asisténsia sosiál ou meus alimentasaun hanesan fos bele mós asisténsia liu husi parseria no sosiedade sivil lubuk ida entaun atividade balun halo konstrusaun uma ba ema kbi’it laek sira no ida tan liu husi cash transfere liga ho familia sirkuntansia, protesaun labarik no ba feto, labarik sira konflitu lei inklui mós cash transfere mai husi sosiedade sivil balun fasilita atu oinsa servisu hakbi’it kliente sira bele moris rasik.

Diretór mós dehan, konstrusaun ba uma kbi’it laek ne’e fornese husi Pradet no Uma Pas ho modelu uma tuir kbi’it ho orsamentu ne’ebé sira iha no fasilita ona ba defisientes no vulneravel nomós familia sira ne’ebé vulneravel tebes no laiha uma parseria sira fasilita mós ida ne’e tanba sira mós parte iha rede referral hodi apoiu malu no identifika malu liga ho kliente sira ne’ebé merese atu fasilita.

Nune’e mós Administradór Postu Administrativu Quelicai, Sebastião P. Gaio Pires hateten, programa familia sirkuntansia bazeia ba asesmentu no monitorizasaun husi tekniku sosiál Postu Administrativu Quelicai ne’ebé identifika familia nain 2 ne’ebé moris ho kondisaun vulneravel tebes no familia ne’e ho naran Palmira Ximenes no Albertinha Ximenes husi Aldeia Butileo, Suku Baguia hetan prekupasaun hirak ne’e tekniku sosiál hato’o perkupasaun familia 2 ne’e liu husi CSSM Baucau manda ba  iha Unidade Inclusão Reincersaun Comunitaria hodi hatutan prekupasaun hirak ne’e ba iha nasionál no hetan resultadu husi diresaun nasionál fornese apoiu orsamentu kada familia 1 hetan osan montante $300 no total familia 2 hetan $600 hodi utiliza ba nesesidade lor-loron.

Administradór hateten tan, maske hetan ona apoiu orsamentu maibe atu entrega direitamente ba familia 2 ne’e sai hanesan prekupasaun ba tekniku sosiál no autoridade lokal tanba familia refere ho situasaun idade avansadu no ho kondisaun ema ho defisiensia parte matan ne’ebé susar atu halo managementu ba orsamentu hirak ne’e maka kordenasaun tekniku sosiál no autoriedade lokal halo kontratu ho loja nain bazeia ba sira nain 2 nia nesesidade hodi indentifika sasan no aihan ida ne’ebé maka ba sira nain 2 persija moris lor-loron bele foti iha loja bazeia orsamentu ne’ebé iha.

Ikus, Diretóra Executivu Fundasaun Uma Pas Baucau, Felismina Belo hato’o, komesa kria uma pas ami servisu hamutuk ho MSSI oinsa atu  harii komisaun ba ita nia feton, inan, oan feto no  mane ne’ebé maka moris iha presaun nia laran no tulun ne’ebé maka MSSI fó ba Uma Pas maka Treinamentu, apoiu fundus husi MSSI nasionál no aihan. Aliende seluk MSSI iha CSSM Baucau hamutuk ho Uma Pas Baucau atu bele kria komunikasaun ne’ebé diak liu-liu inan sira ne’ebé labarik barak nain 5 ba leten Uma Pas halo rekomendasaun ba iha MSSI atu bele hetan Bolsa da Mãe no MSSI apoiu bainhira Uma Pas entrega uma ba eis kliente sira no ami mak tekniku ba asaun ida ne’e, chave refere ami  entrega ba MSSI depois MSSI fó ba autoriedade ne’ebé maka responsavel  ba  eis kliente sira atu nune’e garantia ba futuru labele iha konflitu ka problema kona-ba uma ne’e maibe Uma Pas nafatin kria fasilitas ne’ebé  diak. Uma Pas entrega konstrusaun uma ba ema kbi’it laek hamutuk 6 no Pradet hamutuk 5.

Comment's