SEMINÁRIU KONA-BA JESTAUN RISKU DEZASTRES NATURAIS

Ministra Solidariedade Sosiál no Inkluzaun, Armanda Berta dos Santos, hala’o abertura ba semináriu kona-ba Jestaun Risku Dezastres Naturais iha Governasaun, semináriu ne’e sei hala’o durante loron rua nia laran, hahu hosi 27 to’o 28 fulan Setembru 2018. Semináriu refere realiza iha Edifísiu Sentral MSSI-Kaikoli-Díli, Loron Kuarta-Feira, (27/09/2018).

Objetivu hosi Semináriu ida ne’e oinsá atu haree jestaun no planeamentu iha nível nasionál to’o iha nível munisípiu hodi fasilita programa redusaun risku dezastre ne’ebé implementa hosi International Organization Mission-IOM no hetan finansiamentu hosi United State Agency for International Development-USAID atraves hosi Office for Foreign Disaster Assistence-OFDA.

Partisipa iha semináriu ne’e mak hanesan, Sekretáriu Estadu Protesaun Sívil, Alexandrino de araújo, Mission Director USAID, Diana Putman, Sekretáriu Jerál Cruz Vermelha Timor-Leste, Januario Ximenes, Xefe Misaun-IOM iha Timor-Leste, Wonesai Sithole, Administradór Munisípiu sira, Diretores Munisipais hosi MSSI no Ministériu Interior inklui Representante hosi Ajénsia Internasionál sira.