SEMINÁRIU KONSULTASAUN NIVEL MINISTERIAL BA EMA HO …

Ministériu Solidariedade Sosiál no Inkluzaun-MSSI, hamutuk ho Ministériu Transporte Komunikasaun-MTK, organiza semináriu konsultasaun nivel ministerial no esbosu Planu Asaun Nasionál-PAN ba ema ho defisiénsia perioudu 2020 to’o 2024 hodi asegura programa no orsamentu ne’ebé inklusiva ba asuntu defisiénsia atu atinji objetivu dezenvolvimentu sustentavel. Semináriu refere hala’o iha Salaun MTK Kaikoli-Dili, Loron Tersa-Feira (30/07/2019).

Ministériu Solidariedade Sosiál no Inkluzaun-MSSI hamutuk ho parseirus sira iha ona planu atu halo revisaun Planu Asaun Nasionál-PAN ba ema ho defisiénsia husi tinan 2014-2018 ba 2019-2023. Tamba ne’e politika ba asaun ema ho defisiénsia tinan ida ne’e mak oinsa bele sosializa ba liña ministerial hotu-hotu liu husi semináriu ida ne’e.

Seminiariu ida ne’e ho objetivu oinsa bele sosializa ba instituisaun estadu liu husi liña ministerial, atu mós prioriedade asuntu ema ho defisiénsia ba lei, politika, planeamentu no orsamentu ba kestaun inkluzaun sosiál no oinsa integra direitu ema ho defisiénsia nian atu nune’e la husik ida iha kotuk no aumenta kuñesementu partisipantes oinsa uja termonolojia ba ema ho defisiénsia iha ida-idak nia instituisaun, la ho stigma no deskriminasaun.