SEMINÁRIU NASIONÁL BA ASUNTUS DEFISIÉNTES

Presidente Parlamentu Nasionál, Arão Noé, Vise-Ministra Solidariedade Sosiál no Inkluzaun, Signi Verdial, Vise-Ministro Saúde, Bonefácio Maukoli dos Reis hamutuk ho Asosiasaun Defisientes Timor-Leste (ADTL), Representante Nasoens Unidas inklui Oxfam, realiza Semináriu Nasionál ba Asuntus Defisientes iha Timor-Leste. Semináriu refere hala’o iha Edifísiu Sentral MSSI-Kaikoli-Díli, Loron Kuarta-Feira, (13/06/2019).

Objetivu hosi semináriu ne’e mak oinsá ba futuru bele integra politika no planu ida ne’ebé di’ak no integradu ho orsamentu ne’ebé mak adekuadu hodi implementa politika nasionál ba Ema ho Defisientes. Semináriu ne’ebé finasia hosi Australian Aid ne’e loke diretamente hosi Presidente Parlamentu Nasionál ho Tema “La Husik Ema Ida Iha Kotuk Liu Hosi Planeamentu No Orsamentu Inkluzivu Ba Ema Ho Defisiénsia”.

Partisipa iha semináriu ne’e mak hanesan, Membrus Parlamentu Nasionál, Representante Komisaun Funsaun Públiku, Sosiedade Sivil inklui Representantes Asosiasoens Defisientes iha Timor-Leste.