MSS HALA’O SORUMUTU HO KNTL BA UNESCO

Ministra Solidariedade Sosiál, Isabel Amaral Guterres ho Secretária Executivu KNTL (Komisaun Nasionál Timor-Leste) ba UNESCO (United Nations Educational, Scientific, and Cultura Organization), Maria Angelina Sarmento hala’o sorumutu kona-ba aprezentasaun programa inkluzaun sosiál no determinasaun data ba dialogu Nasionál. Sorumutu refere realiza iha sala reuniaun Gabinete Ministra MSS Kaikoli-Dili, Loron Kuarta-Feira, (27/04/2016).

Iha sorumutu ne’e, Secretária executivu KNTL ba UNESCO hateten, sorumutu ne’e ho objetivu 2 mak hanesan primeiru atu akresenta progresu hosi projetu inkluzaun sosiál ne’ebé implementa hosi KNTL ba UNESCO no segundu mak atu haree Ministra nia tempu hodi partisipa iha dialogu nasionál ne’ebé sei realiza iha fulan Juñu hodi akresenta rezultadu studu ne’ebé maka grupu trabalho halo ba analisa politika ema ho defisiensia nian atu haree kona-ba inkluzaun sosiál.

Secretária executivu KNTL realsa liu tan, grupu trabalho ne’e iha instituisaun 10 maka involve iha laran inklui MSS, Universidade, Akademi, NGO’s, no organizasaun defisiente sira. Tanba sira ne’e maka sai hanesan rekursu importante atu haree kona-ba implementasaun no politika ne’e rasik.

Iha fatin hanesan, Diretor DNAS (Diresaun Nasional Assistensia Sosiál), Mateus da Silva hato’o, enkontru ida ohin ne’e hosi KNTL ba UNESCO hatudu nian progresu kona-ba servisu trabalho ne’ebé maka agora halo diskusaun politika nasionál ba ema ho defisiensia atu halo dialogu nasionál.

“DNAS servisu ho ajensia internasional ne’ebé maka hamutuk iha grupu trabalho hodi tau matan ba ema ho defisiensia iha Timor Leste,” Dehan Diretor.

Ikus liu Diretor hateten, atu haree kona-ba inkluzaun sosiál ba ema defisiensia ne’e iha direitu ba eskola, servisu no buat hotu-hotu, ne’ebé UNESCO atu ajuda ita para halo analisa ida ba politika no implementasaun ho progresu ne’e oinsa no inklui ona prinsipiu-prinsipiu i tebes duni atu garante ba ema defisiensia nia moris diak ka lae, ne’e signifika katak hanoin diak atu haree kona-ba sidadaun defisiente iha Timor-Leste.

Comments Closed

Comments are closed. You will not be able to post a comment in this post.