Vice -Ministru MSS asina akordu ho kompañia Aitula

Vice-Ministru Solidariedade Sosiál, Dr. Jacinto Rigoberto Gomes de Deus, asina akordu ho Diretora Aitula Fuel Domingas Silva Aleixo no mós Diretor kompañia Eto Esperança Niltos dos Santos Gusmão, iha Gabinete Vice-Ministru MSS, Kaicoli Dili, Segunda-Feira (08/04/2013).

Hafoin asina akordu, Vice-Ministru hato’o katak liu hosi akordu ne’e, kompañia rua ne’e nafatin fornese kombustivel mai iha MSS. Programa asina akordu ne’e hanesan kontinuasaun hosi akordu ne’ebé uluk Ministériu Finansas hala’o tiha ona entre kompañia rua ne’e.

Vise esplika liu tan, kuaze iha primeiru trimestre MSS infrenta problemas barak kona-ba kombustivel no mós seidauk identifika kompañia seluk ne’ebé bele fornese kombustivel mai MSS, tanba ne’e MSS nafatin fo fiar ba kompañia Aitula No Esperança hodi kontinua fornese kombustivel ba MSS, durante fulan 4, hahú hosi Janeiru to’o loron 30 Abril 2013.

“Hafoin fulan Abril mak MSS sei observa hodi haree kona-ba vantajen no desvantajen hosi fornesimentu ne’ebé kompañia rua halo, karik mak di’ak entaun kompañia rua ne’e sei hetan fiar hodi fornese kombustivel ba tinan ida nia laran mai iha MSS, maibe kompañia seluk mak iha vatajen di’ak liu ho kompañia rua ne’e, entaun di’ak liu ”dehan Vise Ministru.

Kona-ba montante orsamentu Vice realsa katak, depende ba planu trimestrál hosi kada diresaun ne’ebé mak iha, maibé tuir estimativa ne’ebé mak iha, orsamentu kada trimestre porvolta de trinta to’o cinquenta mill dollares (U$.30.000-50.000).

Tuir Diretór kompañia rua ne’e, kada kompañia dala ruma sei bele hetan trinta i tall mill ou cecenta mill ba primeiru trimestre ninian, hodi bele halo atendimentu ba MSS Sentru Distritais tomak ne’ebé estabelese ona iha Distritu. Maske akordu ne’e hala’o tiha ona, maibé MSS sei bele utiliza kupon kombustivel ne’ebé mai hosi kompañia rua ne’e ba fulan Maiu no mós fulan Juñu, tuir nesesidades ne’ebé iha.

Iha programa asina akordu ne’e, hetan partisipasaun hosi Diretór Geral MSS, Eugénio João A. de Maria Soares, Diretór AFLM Rogéiro Nelson Alves, Xefe Departamentu Aprovizionamentu MSS Pascoal Couto, inklui mós Xefes Gabinete Vice Ministru MSS.

This post is also available in: Tetum